Gli abbracci spezzati

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Los abrazos rotos
Gli abbracci spezzati
Abbracci spezzati.png
La Penélope Cruz in na figùra dal film
Al brasàdi scavśàdi
2009
Regia: Pedro Almodóvar
Scritùr: Pedro Almodóvar
Atùr: Penélope CruzLluís HomarBlanca Portillo
José Luis GómezÁngela MolinaTamar Novas
Rubén OchandianoKiti MánverLola Dueñas
Alejo SaurasChus LampreaveRossy de Palma
Müsica: Alberto Iglesias
Lengua: SpagnōlIngléś
Dürä dal film: 127 minüt
Nasiòṅ: Spaggna


Gli abbracci spezzati (Al brasàdi scavśàdi) 'l è 'n film dramàtic spagnōl dal 2009 scrit e dirèt par Pedro Almodóvar.

La pelìcula, preśentàda a 'l 62śum Fèstival ad Cannes, l'à muciâ sù trènt'òṅ migliòṅ ad dòlar (tri migliòṅ e mèś 'd euro sōl in Itàglia) dòp ès'r-an custàda daśdòt. In na séna dal film in televiśiòṅ a s véd un pès ad Viaggio in Italia ad Roberto Rossellini cun l'Ingrid Bergman.

Sunt

Da quànd 'l è dvintâ òrub, 'l èx regìsta Mateo Blanco (Lluís Homar) 'l à tacâ a scrìvar di rumànś e dal senegiadùri druànd al pseudònim 'd Harry Caine, jutâ par la sò amìga, e èx amànta, Judit García (Blanca Portillo) e p'r al fiōl ad chi lē, Diego (Tamar Novas). Un dè in dal sò ufìsi a s preśénta 'n śōvan fnòć, ch'al s fà ciamàr Ray X (Rubén Ochandiano), ch'al vrév ch'al girìs un film par lò par butàr dla śmalta adòs a la memòria 'd sò pàdar. Mateo 'l arcgnós in lò al fiōl dal prudutōr Ernesto Martel (José Luis Gómez), un migliardàri mòrt da pôc che dód'ś an prima 'l iva finansiâ 'n sò film, “Ragàsi e valìś”. Al regìsta al gh diś ad nò, pò al decìd ad cuntàr-'n i mutìṿ a Diego.

Par giràr cla pelìcula lè, lò 'l iva sarnî cuma prutagunìsta la mujēr ad Martel, na ragàsa dimóndi più śōvna ciamàda Lena (Penélope Cruz). Chi lē, ch'l'éra la sò segretària, la 'l iva spuśâ sōl parchè lò 'l iva pagâ 'l curi a sò pàdar, ch'l éra mis mâł, anc s'andàr a lèt cun cal vèć lè a gh fà schiva, specialmènt parchè lò 'l è piutòst purcùs sóta i linsōi. Laurànd sèg Mateo 'l iva finî pò p'r inamuràr-as e lē cumpàgn. Dòp avēr naśâ i còran e avēr savû che lē l'iva decìś ad mulàr-al, un gelóś Martel 'l iva cuciâ la dóna śò p'r al scali, in un scat 'd arlìa, śbragànd-ag na gamba. Finî 'l film, Mateo e la Lena i ìvan decìś acsè ad scapàr via insém, lugànd-as a Lanśaròte. Na nòt però la còpia l'éra stada vitma d'n incidènt in màchina, custâ la vita a la Lena, mént'r al regìsta 'l éra invéci armàś uféś a i òć.

Culegamènt estéran