Dolor y gloria

From Wikipedia
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dolor y gloria
Dolor y gloria.png
Mathet, la Navas e Banderas in na figùra dal film
Dulōr e glòria
2019
Regia: Pedro Almodóvar
Scritùr: Pedro Almodóvar
Atùr: Antonio BanderasLeonardo Sbaraglia
Penélope CruzNora NavasCésar Vicente
Asier EtxeandiaJulieta SerranoCecilia Roth
Müsica: Alberto Iglesias
Lengua: Spagnōl
Dürä dal film: 113 minüt
Nasiòṅ: SpaggnaFrància


Dolor y gloria (Dulōr e glòria) 'l è 'n film dramàtic dal 2019 srit e dirèt par Pedro Almodóvar.

La pelìcula l'à muciâ sù da piò ad trénta-sinc migliòṅ ad dòlar e l'è stada preśentàda a 'l 72śum Fèstival ad Cannes in du 'l prutagunìsta Antonio Banderas 'l è stâ premiâ par la sò interpretasiòṅ.

Sunt

Salvador Mallo (Antonio Banderas) 'l è 'n regìsta famóś ma in di ùltim tèmp, esénd ch'l è in là c'n i an e ch'al gh'à 'n muć ad mâi adòs tant ch'al fà anc fadìga a sulàr-'s al scarpi, 'l à śmis ad giràr di film. Adès al viṿ da par lò in na vila, jutâ par la sò asistènta Mercedes (Nora Navas).

P'r i trént'an dla sò pelìcula 'd debùt, ch'la gh'à da èsar prujetàda in un cine-forum ad Madrìd, al gh'à la manéra 'd far paś cun 'l atōr prutagunìsta ad cl'òpra lè, Alberto Crespo (Asier Etxeandía), un sò èx amànt ch'al gh fà pruàr l'eruìna. In séguit, lśénd al sò memòri, Alberto al gh admànda in prèst i sò scrit par far-an na senegiadùra da purtàr a teàtar. Dòp al munòlug, Alberto al cgnós òṅ di spetadōr, Federico (Leonardo Sbaraglia), ch'al s è arcgnusû in dal muróś dal persunàǵ ad cla stòria lè, esènd stâ lò 'l śōvan ch'l iva cumpagnâ Salvador par dimóndi an in gir p'r al mónd.

Salvador al s arcòrda 'd quànd 'l éra pìcul (Asier Flores) e 'l éra andâ a star a Paterna insém a sò pàdar buletàri Venancio (Raúl Arévalo) e a sò màdar lavandàra Jacinta (Penélope Cruz). Lè 'l iva insgnâ a lèś'r e a scrìvar a 'n muradōr analfabéta, Eduardo (César Vicente).

Culegamènt estéran