Stucólma

Da Wikipedia.
C'l artìcul chè 'l è scrit in Miranduléś Emiliàn
Al sò stéma
La mapa dla sità
Al palàs reàł
Al Castèl ad Drottningholm


Stucólma (Stockholm in Śvedéś, a s lèś [ˈstɔkːɔlm] o anc [ˈstɔkˈhɔlm]) l'è la capitàla dla Śvèsia (da 'l 1523) e l'è cgnusùda anc cuma la „Venèsia dal Nòrd“ parchè la sa śvilùpa su quatórd'ś ìśuli.

La gh'à quatórdas circuscrisiòṅ, nuvsènt-quatórdas-mila abitànt e la s cata su 'l Mâr Bàltic. La sò àrea metrupulitàna, ciamàda Storstockholm (Stucólma Granda), la tira dèntar vint-siē cumùṅ in tut faghénd sù da piò ad dū migliòṅ e dū 'd abitànt.

La sità la pōl cuntàr su dū sit patrimòni dl'umanità par 'l UNESCO: al “castèl ad Drottningholm” e 'l campsànt sud ciamâ “Skogskyrkogården” (al Simitèri dal bòsc). In di sècui XVIII e XIX l'à patî dimóndi inséndi tant che pò l'è stada tiràda sù druànd da spés dla préda invéci che dal légn.

'D Istâ la gh'à i sò méś più cald parchè durànd al dè da Śugn a Agóst la riva a vint/vint-a-dū grâd. Invéci i méś più fréd i èṅ Śnar e Favràr in dua, in mèdia, a s pōl rivàr ad nòt a sinc sóta śèr.

'L 85% dla gint ad Stucólma la lavóra in dal tersiàri. La sò sìndiga, da 'l 2014, l'è la Karin Wanngård dal partî suciàł-demucràtic di lavuradōr.

Persunàǵ ligâ a Stucólma

Culegamènt estéran