L'indiscreto fascino del peccato

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Entre tinieblas
L'indiscreto fascino del peccato
Indiscreto fascino del peccato.png
La Carmen Maura in na figùra dal film
Al bèl minga discrēt dal pcâ
1983
Regìa: Pedro Almodóvar
Scritōr: Pedro Almodóvar
Atōr: Cristina Sánchez PascualCarmen Maura
Cecilia RothChus LampreaveLaura Cepeda
Will MoreMarisa ParedesJulieta Serrano
Miguel ZúñigaMary CarrilloLina Canalejas
Müsica: Cam España • Cheo Feliciano
Léngua: Spagnōl
Dürä dal film: 114 minüt
Nasiōṅ: Spaggna


«
Par giudicàr al pcâ a gh'è da pruàr-al.»
(Tagline dal film)


L'indiscreto fascino del peccato (Al bèl minga discrēt dal pcâ) l'è na cumèdia dramàtica dal 1983 scrita e dirèta par Pedro Almodóvar. Òcio ch'la versiòṅ itagliàna l'è dimóndi censuràda, cun di dascōrs cambiâ dal tut e di pès tajâ via.

Par cla pelìcula chè la Julieta Serrano l'è stada premiàda a 'l Sant Jordi Awards dal 1984.

Sunt

La Yolanda (Cristina Sánchez Pascual) l'è na dóna 'd spetàcul ch'la lavóra a 'l Mulèṅ Rós. Quànd al sò amànt al vîṅ catâ mòrt par n'overdose, la śōvna la decìd ad lugàr-'s in un cunvènt ad sōri par scapàr via da la pulisìa ch'la gh dà la casa. La màdar superiōra (Julieta Serrano) la la tōś vluntéra anc parchè la s inamóra 'd lē.

La Yolanda la cgnós subìt di atri surèli: la sōra Tratadamâł (Chus Lampreave) ch'la scriv di rumànś pòran druànd al nóm ad Concha Torres che pò la lóga sóta 'l stramàs, sōra Bisa (Lina Canalejas) ch'la cuśìs di mudèi par la Madóna faghénd-as jutàr p'r al caplàṅ (Manuel Zarzo), 'n óm ch'al gh piàś dimóndi, sōra Pardùda (Carmen Maura) ch'la tîṅ adrē a na tigra ch'la gira libra p'r al cunvènt e sōra Schiva (Marisa Paredes) ch'la lavóra in cuśìna ma ch'la s fà 'd LSD ch'l'è 'n piaśēr.

Par far in manéra 'd tōr la Yolanda da la sò banda, la màdar superiōra la taca a śibìr-ag dla dròga da tōr insém. In cal méntar, quànd la marchéśa (Mary Carrillo) la s mét a tajàr i fónd a 'l cunvènt, la sōra la decìd ad ricatàr-la druànd dal létri rivàda da na misiòṅ in Àfrica in du a gh'éra scrit che sò fiōla Virginia, prima 'd murìr magnàda da i canìbai, l'iva abû 'n fiōl.

Culegamènt estéran