Javier Bardem

Da Wikipedia.

C'l artìcul chè 'l è scrit in Miranduléś Emiliàn

Javier Bardem tòlt śò in dal 2011


Javier Ángel Encinas Bardem, cgnusû méj cuma Javier Bardem (Las Pàlmas ad Gran Canària‎, 1 ad Mars dal 1969, a s lèś [xaˈβjer βarˈðen] in spagnōl) 'l è 'n atōr spagnōl, vinsidōr ad dū Cópi Volpi a 'l Fèstival ad Venèsia p'r i film Prima che sia notte e Mare dentro, 'd un prèmi p'r al sò rōl in Biutiful a 'l Fèstival ad Cannes e 'd un Prèmi Òscar in dal 2008 cuma atōr minga prutagunìsta in Non è un paese per vecchi ch'al gh'à frutâ anc un Golden Globe.

Da 'l 2010 'l è spuśâ cun l'atōra Penélope Cruz ch'l'à laurâ sèg in Prosciutto prosciutto, Carne tremula, Vicky Cristina Barcelona e The Counselor - Il procuratore. I gh'aṅ dū fiōi: Leonardo e la Luna.

Biugrafìa

Da śōvan al śōga a rugby pò al taca a far 'l atōr par Pedro Almodóvar in dal sò Donne sull'orlo di una crisi di nervi dal 1988. In séguit al lavóra cun Juan José Bigas Luna in quàtar di sò film.

In dal 2000 'l è candidâ a i Prèmi Òscar cuma atōr prutagunìsta p'r al film Prima che sia notte ad Julian Schnabel e par lò i s vèr'n al pòrti 'd Hollywood e 'l atōr canàri al gh'à la manéra 'd giràr dal pelìculi par John Malkovich, p'r i fradèi Cohen, par Woody Allen, par Terrence Malick e par Ridley Scott.

Filmugrafìa

Javier in dal 2007 a Turònt
Bardem a la serimògna dal 2012 in du i gh dànan na stéla a la Hollywood Walk of Fame
'L atōr insém a i fradèi Coen

Culegamènt estéran

Àtar prugèt