Oliver Twist (film 2005)
|
C'l artìcol chè 'l è scrit in
Carpśàn |
 Oliver Twist
| ||
| Oliver Twist | ||
 Oliver ch'al partìs a pē per Londra | ||
| Oliver Twist 2005 | ||
|---|---|---|
| Regìa: Roman Polański | ||
| Scritōr: Charles Dickens | ||
| Atōr: Ben Kingsley • Jamie Foreman Barney Clark • Leanne Rowe Edward Hardwicke • Mark Strong | ||
| Müsica: Rachel Portman | ||
| Léngua: Ingléś | ||
| Dürä dal film: 130 minüt | ||
| Nasiōṅ: Régn Unî | ||
Oliver Twist 'l è 'n film dramàtic dal 2005 ed Roman Polański, tolt fóra da 'l còunt col stès nòm scrìt in dal 1838 da Charles Dickens.
Sunt
In n'Inghiltèra dl Otsèint a 'l inìsi dla só rivolusiòun industrièla, al ragasōl òrfen e chersû in orfanatròfi Oliver Twist al gh'à da lavurèr ed brùt, che senò i ragasō i vinen picê, in na manifatùra ed curdàṁ che però chilōr i gh'fan patìr la fam. Vist che Oliver 'l è 'n ragasōl minga tant eschìs sòta i vlér di grand, 'l orfanatròfi al al śibìs c'ma garśòun a na famìja che 'd mistēr i fan i becamòrt. El lît in butéga, el bóti ch'a s ciàpa e la vója ed catèr-es méj, i persuèd'n al ragasōl a scapèr vìa ded lè in fuga.
Londra la nn'è mìa luntàna, e a pē, pian pianèin a s egh 'riva. La sē e la faṁ i lasen Oliver sàinsa forsi, che rivê dàint'r a Londra, al gh'la chèva gnint èter che a śachères in sìm'a di scalèin lè 'd lung. 'N èter ragasōl ch'l al vèd lè coi pē sangnèint da 'l viàś tròp lung, al gh'śibìs la dimostrasiòun che in dal merchê lè datēś a s śgranfègna facilmèint na quèlc ciòpa ed pàṅ e dla cherna basta ch'a sìa da di banc ed mercaṅsìa lè deśvèin.
Oliver dòunca al vin purtê ség col ragàs a viver in dla só cà cun di èter ragàs ch'i gh'stan bèle, e anc col vèć padròun padrègn ebrèi Fagin, ch'al li tin ség basta che però i gh'vaghen a rubèr per lò in del bisàchi edla gint coi bési.
Na ruberìa che chi ragastàs chè i iven tintê col galantòm sgnōr Brownlow, la gh'fà capìr a chilò che Oliver al 'n è minga pròpia un ragàs catìv, mo che invéci al gh'à al cōr pulî e ch'al pōl tgnìrel lè a cà sua e alvèrel. Mo i ragàs furfànt dal padrègn Fagin i 'l volen tōr n'ètra volta a cà ség e i gh'al rapìsen.
Colegamèint estèren
- (EN) La schéda dal film in sìm'a 'l IMDb.