Che?

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Che?
Che.png
La Rome e Mastroianni in na figùra dal film
Csa gh'è?
1972
Regia: Roman Polański
Scritùr: Roman Polański • Gérard Brach
Atùr: Marcello MastroianniHenning Schlüter
Sydne RomeGianfranco PiacentiniHugh Griffith
Guido AlbertiRomolo ValliCarlo Delle Piane
Müsica: Claudio Gizzi
Lengua: IngléśFrancéśItagliàṅ
Dürä dal film: 138 minüt


«
La burla più fóra 'd tèsta d'l an!»
(Tagline dal film)


Che? (Csa gh'è?) l'è na cumèdia dal 1972 ad Roman Polański ispiràda in na manéra libra a 'l rumànś Alice in dal paéś dal maravìi ad Lewis Carroll. In alóra l'à muciâ sù da piò 'd un migliàrd ad franc sōl in Itàglia.

Dagnóra tut al film 'l è stâ girâ a Amàlfi in dla vila druàda in Istâ p'r al prudutōr Carlo Ponti. A 'l èstar 'l è cgnusû anc c'n i tìtui ad “¿Qué?” “Was?” “What?” “Quoi?” e “Mikä?”.

Sunt

La Nancy (Sydne Rome), na śōvna turìsta americàna, durànt un viàś in Itàglia la vèṅ farmàda da soquànt óm ch'i la vōlan viulentàr. La la scampa par pôc e scapànd via la finìs in na vila su 'l mâr in dua la cata dla gint fóra 'd tèsta. Àlex (Marcello Mastroianni), par dir-'n una, 'l è òṅ ch'al pènsa sōl par lò e al gh cata gust a far di quèi strâṅ, cuma métar-'s adòs na mascra 'd tigra e far-as dar śò cun la scùria. Pò a gh'è 'n vèć ch'al vrév ciulàr-'s-la méntar la pònsa ma quànd chi lē la s désda lò al s mét a sunàr al piàṅ dgénd ch'al sò maṅ i gh fànan acsè mâł ch'al n sà in du star.

La Nancy pò la gh'à 'n àtar prubléma: da la valìś a gh sparìs sèmpar quèl. Par pasàr-'s al tèmp la scriv in un diàri qvél ch'a gh sucéd.

Culegamènt estéran