Cul-de-sac
|
C'l artìcul chè 'l è scrit in
Miranduléś |
 Cul-de-sac
| ||
| Cul-de-sac | ||
 La Dorléac e Pleasence in na figùra dal film | ||
| Cûl dal sac 1966 | ||
|---|---|---|
| Regìa: Roman Polański | ||
| Scritōr: Roman Polański • Gérard Brach | ||
| Atōr: Donald Pleasence • Françoise Dorléac Lionel Stander • Marie Kean • Iain Quarrier Jack MacGowran • Jacqueline Bisset Renee Houston • Robert Dorning | ||
| Müsica: Krzysztof Komeda | ||
| Léngua: Ingléś | ||
| Dürä dal film: 111 minüt | ||
| Nasiōṅ: Régn Unî | ||
Cul-de-sac (Cûl dal sac) l'è na cumèdia dramàtica dal 1966, girâ in biànc e négar, ad Roman Polański.
'L è stâ preśentâ a 'l Fèstival ad Berlîn in dua 'l à vins 'l „Órs 'd Òr“.
Sunt
Dòp na rapìna andàda mâł, al bandî Richard (Lionel Stander) 'l è custrét a cuciàr la sò màchina darènt a 'l mâr dl'Irlànda. Dènt'r a gh'è 'l sò cumpâr Albie (Jack MacGowran) ch'l è armàś frî in dla pansa. Tgénd adrē a la lìnea dal telèfun i riv'n in un castèl in du a viṿ George (Donald Pleasence), 'n èx militàr nevròtic e plâ ch'l à divursiâ da sò mujér e 'l à vindû la sò fàbrica par gudér-as la vita in paś insém a la sò dóna, la Teresa (Françoise Dorléac). Chi lē l'è na francéśa più śōvna 'd lò ch'la n fà minga di prubléma a butàr gl'òć adòs a di àt'r óm.
Richard al tîṅ in ustàǵ i padròṅ 'd cà, spetànd ch'al sò cap, Katelbach, al véggna a tōr-al. Quànd Albie al mōr, Richard 'l al saplìs faghénd-as jutàr par la Teresa, pò i dū i s imbariàg'n insém e la dóna la taca a far un pôc la purcùsa sèg. In dal mént'r i rìvan di òspit e Richard 'l è custrét a far finta 'd ès'r al sarvidōr 'd cà spitànd ch'i vàgan via méntar la Teresa la s mét a śugàr cun Cecil (William Franklyn).