Repulsion

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Repulsion
Repulsion
Repulsion.png
La Catherine Deneuve in na figùra dal film
Repulsiòṅ
1965
Regia: Roman Polański
Scritùr: Roman Polański • Gérard Brach
Atùr: Catherine DeneuveIan HendryJohn Fraser
Yvonne FurneauxPatrick WymarkHelen Fraser
Renee HoustonValerie TaylorJames Villiers
Müsica: Louis Chico Hamilton
Lengua: Ingléś
Dürä dal film: 104 minüt
Nasiòṅ: Régn Unî


«
Al mónd arbgatóś di insùni dna vìrgin al dvènta 'n fat véra ch'al squàsa la mènt in dal schèrum!»
(Tagline dal film)


Repulsion (Repulsiòṅ) 'l è 'n film dramàtic dal 1965, girâ in biànc e négar, ad Roman Polański. 'L è stâ preśentâ a 'l Fèstival ad Berlîṅ in dua 'l à vins 'l „Órs 'd Argìnt“.

La pelìcula l'è la sò prima giràda in Ingléś dòp al sucès 'd Il coltello nell'acqua, girâ in Pulàc.

Sunt

La Carole Ledoux (Catherine Deneuve) ad mistēr la mét a pòst gl'ungi e 'l maṅ in un salòṅ ad belésa. L'è dimóndi timda, imbalsàda e la gh'à na scarésa fòrta p'r i óm, esénd lē anc andrufòbica cun na repulsiòṅ fìśica p'r i masć. La daśvèṅ da 'l Bélgi e la viṿ a Lóndra insém a sò surèla Hélène (Yvonne Furneaux). Chi lē l'è cumpagnàda cun Michael (Ian Hendry), un ragàs che lē la n s cumpatìs pròpria briśa par via dal sò distùrub mentài. La n pōl védar gnanc al sò ròbi ch'al tîṅ in dla sò cambra.

Quànd l’Hélène e 'l sò muróś i partìsan p'r un viàś, lē la và fóra 'd tèsta e la cópa in dal sò apartamènt un śóvan ch'al gh fava 'l fìl, Colin (John Fraser), e pò al buta 'l sò cadàvar in dla vasca da bagn. La sò vita la s impinìs 'd arbgàt, la s invènta da tut p'r a n andàr briśa a lauràr. La s sèra dèntar, inciuldànd 'l us cun n'asa.

Quànd pò al padròn ad cà al la và a catàr (Patrick Wymark) e al próa a viulentàr-la in sal divàṅ, lē la cópa anc qvést chè.

Culegamènt estéran