Il coltello nell'acqua

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Nóż w wodzie
Il coltello nell'acqua
Coltello nell'acqua.png
Niemczyk, la Umecka e Malanowicz in na figùra dal film
Al curtèl in dl'àqua
1962
Regia: Roman Polański
Scritùr: Roman Polański • Jakub Goldberg
Atùr: Zygmunt Malanowicz
Leon NiemczykJolanta Umecka
Müsica: Krzysztof Komeda
Lengua: Pulàc
Dürä dal film: 94 minüt
Nasiòṅ: Pulògna


«
'N óm, la sò bèla dóna, un śōvan cìnic, un yacht e 'l mâr!»
(Tagline dal film)


Il coltello nell'acqua (Al curtèl in dl'àqua) 'l è 'n film dramàtic dal 1962, girâ in biànc e négar, ad Roman Polański, chè a 'l sò debùt.

'L è stâ candidâ a vìns'r al Prèmi Òscar p'r al film furastēr più bèl, prim' òpra pulàca a far-al, ma 'l è stâ batû da ad Federico Fellini.

Sunt

Al giurnalìsta spurtìṿ Andrea (Leon Niemczyk) al gh'à na barca a véla ch'la s ciàma Cristina cuma sò mujér (Jolanta Umecka) e ch'al dróa in di fiṅ 'd stmana p'r andàr a divertìr-'s e a punsàr in di lag dla Maśùria. Durànt un viàś cun la sò dóna 'l incróśa lung la via un śōvan biundèṅ (Zygmunt Malanowicz) ch'al dmanda 'n pasàǵ e 'l al fà muntàr sù e pò al gh śibìs anc ad pasàr la giurnàda sèg. Chi lò al gh astà anc s'al gh diś ch'al n sà briśa nudàr.

Andrea al s diverìs a far al cmandànt sèg e 'l al mét da spés a la próva. La matìna dòp, quànd al śōvan 'l è prònt par śmuntàr śò, al fà a mènt ch'al n cata piò al sò curtèl da bisàca ch'l iva fat véd'r a tut la sira prima. Andrea al gh al dà indrē śgarbâ ma al s ufénd parchè ch'l àtar 'l iva sōl pinsâ che lò al 'l avìs śgranfgnâ ad prupòśit. Durànt na litgàda fra i dū, al curtèl al finìs in dl'àqua. Al biónd al vrév ch'al giurnalìsta 'l andìs lò a catàr-al sù ma lò al n gh pénsa gnanc luntanamènt. Quànd a s riva a 'lvàr al maṅ, al ragàs al strabùca śò in dl'àqua e al sparìs. La Cristina la s buta in dl'àqua p'r andàr-'l a pascàr méntar sò marè a 'l inìsi 'l armàgn in sla barca parchè 'l è sicûr ch'al gh'àppia cuntâ na bala quànd al gh'iva dit ch'al n éra minga bòṅ ad nudàr. In séguit però Andrea al léva 'l cûl par véd'r ad catàr-al e sōl in cal mumènt lè al śōvan, ch'al s éra lugâ da drē da na bòa, al mónta sù. Subìt la Cristina la s arlìa sèg p'r al schèrs da prēt ch'al gh'iva fat ma pò i dū i faṅ 'l amōr aprufitànd-as dal fat ch'al marè 'd lē 'l è luntàṅ dimóndi.

Culegamènt estéran