Luna di fiele
|
C'l artìcul chè 'l è scrit in
Miranduléś |
 Bitter Moon
| ||
| Luna di fiele | ||
 Hugh Grant e la Seigner in na figùra dal film | ||
| Luna 'd fêla 1992 | ||
|---|---|---|
| Regìa: Roman Polański | ||
| Scritōr: Pascal Bruckner • Roman Polański Gérard Brach • John Brownjohn | ||
| Atōr: Emmanuelle Seigner • Kristin Scott Thomas Peter Coyote • Hugh Grant • Patrick Albenque Sophie Patel • Leo Eckmann • Victor Banerjee Smilja Mihailovitch • Richard Dieux • Luca Vellani | ||
| Müsica: Vangelis | ||
| Léngua: Ingléś • Francéś | ||
| Dürä dal film: 138 minüt | ||
| Nasiōṅ: Stat Unî • Frància • Régn Unî | ||
Luna di fiele (Luna 'd fêla) 'l è 'n film dramàtic dal 1992 ad Roman Polański trat da 'l rumànś umònim ad Pascal Bruckner. Custâ sinc migliòṅ ad dòlar, al 'n à pò purtâ a cà gnanc dū.
La culòna sunóra la pōl cuntàr su dal canti cuma Fever dla Peggy Lee, Sweet Dreams di Eurythmics, Faith ad George Michael, I Will Survive dla Gloria Gaynor e atri incóra.
Sunt
Nigel Dobson (Hugh Grant) e la Fiona (Kristin Scott Thomas) i èṅ na còpia ingléśa in viàś in cruśéra. In dla nâṿ i càtan 'n atra còpia, Oscar Benton (Peter Coyote) e la Micheline Bouvier (Emmanuelle Seigner), dita Mimi. Al prim 'l è 'n scritōr americàṅ cun dimóndi an in sal cupét ardùt a vìvar in sna scrana a rudèli, cl'atra invéci l'è na francéśa ch'la cava via 'l fiâ. Vdénd che Nigel 'l iva tacâ a butàr 'l óć adòs a sò mujér, Oscar al decìd ad cuntàr-'g incòsa dla sò vita.
Soquànt an prima a Parì chi lōr dū i ìvan dâ vita a na stòria 'd amōr e ad pasiòṅ, in dua i n s èṅ fat mancàr gnint, da 'l sadumàś a 'l voyerìśum, ma c'n al pasàr dal tèmp 'l interès 'd Oscar par la Mimi 'l éra sparî dal tut tant che lò 'l iva decìś ad mulàr-la, dòp avér-la anc fata aburtìr. Chi lē, daspràda e cun al magòṅ adòs, la gh dmanda ad cuntinuàr la relasiòṅ prumiténd-ag ch'la sarév dispòsta a far da tut par lò, anc traśàr par tèra, ma a n gh'è vèrs. In séguit la Mimi la s fà viva sèg, dòp avér patî 'n incidènt in màchina, e par vindicàr-as la mét in at un sò tragatèṅ faghénd-ag patìr un quèl cumpàgn, cun lò ch'al n è più bòṅ ad giràr. Avénd-ag biśógn ad lē, 'l óm 'l iva decìś ad turnàr-'g insém.
Nigel 'l è daśgustâ da 'l cumpurtamènt dla Mimi ma 'l sò interès par lē al crés listés. E la fà cumpàgn anc sò mujér, la Fiona, ch'in dla nòt dal Cavdàn la finìs a lèt sèg.