EXistenZ

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg eXistenZ
eXistenZ
EXistenZ.png
Jude Law e la Jason Leigh in na figùra dal film
id.
1999
Regia: David Cronenberg
Scritùr: David Cronenberg
Atùr: Jennifer Jason LeighJude LawIan Holm
Willem DafoeDon McKellarCallum Keith Rennie
Müsica: Howard Shore
Lengua: Ingléś
Dürä dal film: 97 minüt
Nasiòṅ: CànadaRégn Unî


«
Dènt'r a 'l tò còrp, sóta la tò pèl, ólt'r i tò sèns.»
(Tagline dal film)


eXistenZ (id.) 'l è 'n film fantàstic canadéś e britànic dal 1999 ad David Cronenberg ch'al 'l à anc scrit.

'L à vins 'l “Órs 'd Argìnt” a 'l Fèstival ad Berlîṅ ma 'l è stâ 'n flòp listés parchè 'l n à purtâ a cà gnanc tri migliòṅ ad dòlar in di Stat Unî esénd-an custâ quìndas.

Sunt

L’Allegra Geller (Jennifer Jason Leigh) l'è na śuvnòta ch'la s invènta di śōg letrònic par qvéi dl’Antenna Research. La sò ultma òpra la s ciàma „eXistenZ“, un śōg ch'al parmét a la gint ad culegàr-as c'n un śavàj ciamâ “game pod” (ch'a pâr na budèla 'd carna umàna c'n un pipèl a 'l inìsi) a la sò spina dursàla pasànd p'r un buś tónd ch'a s cata in fónd a la schina, pròpria 'd sōvar da 'l cûl. Quànd 'l aparéć 'l è insfilsâ bèṅ dèntar, al parsòni i èṅ bòni ad vìvar in na dimensiòṅ paraléla.

Al dè dla preśentasiòṅ però 'n terurìsta ch'al vōl mandàr a gambi a l'ària 'l prugèt, Noel Dichter (Kris Lemche), al gh tira 'n cōlp druànd na pistòla ad carna e sangṿ. La ragàsa l'armàgn frida ma la s salva cun 'l ajùt 'd 'n óm dla sicurésa, Ted Pikul (Jude Law). Par védar s'la sò invensiòṅ la và incóra la gh'à da pruàr-la su 'n àtar sugèt e la dmanda a Ted ad parmét'r-al. Chi lò al gh diś ad sè anc s'un pôc malvluntéra parchè al fà fadìga a cumpatìr-'s al pinsēr 'd èsar penetrâ. I dū i vàn'n in dla stasiòṅ ad servìsi ad Gus (Willem Dafoe) par tacàr-'g-al.

L’Allegra la gh vèra bèṅ al buś insfilsànd-'g un dî pò la 'l fà pigàr in avànti e la gh cùcia dèntar 'l „eXistenZ“. Par lōr dū a taca 'l śōg.

Culegamènt estéran