Scanners

Da Wikipedia.

C'l artìcul chè 'l è scrit in Miranduléś Emiliàn

Scanners
Scanners

Stephen Lack in na figùra dal film
id.
1981
Regìa: David Cronenberg
Scritōr: David Cronenberg
Atōr: Stephen LackLarry PerkinsVictor Désy
Michael IronsideKen UmlandLawrence Dane
Robert A. SilvermanNeil AffleckAdam Ludwig
Patrick McGoohanMavor MooreJennifer O'Neill
Müsica: Howard Shore
Léngua: Ingléś
Dürä dal film: 103 minüt
Nasiōṅ: Cànada


«
10 Secónd: A taca 'l dulōr. 15 Secónd: Ta n pō mia tiràr fiâ. 20 Secónd: At scòpi.»
(Tagline dal film)


Scanners (id.) 'l è 'n film dramàtic e 'd scarésa canadéś dal 1981 scrit e dirèt par David Cronenberg.

La pelìcula, ch'l'à muciâ sù da piò ad quatórdas migliòṅ ad dòlar, la gh'à abû dū séguit: Scanners 2 - Il nuovo ordine dal 1991 e Scanners 3 dal 1992.

Sunt

'N óm ch'l è 'n mèś strasòṅ ciamâ Cameron Vale (Steven Lack) al và in un fast food par magnàr di avàns e dū dóni vistìdi bèṅ prima i gh bùtan 'l òć adòs pò una la diś «Mo cuma fà'l 'n óm a 'rdùśar-'s in cal cundisiòṅ lè? Al n m fà minga péna, al m fà sōl schiva». A cal punt lè 'l óm al taca a guardàr-la drit in dal balòti da 'l òć e la sgnōra la gh'à 'n brut atàc epilètic, pò 'l próa a scapàr via ma 'l vîṅ farmâ e purtâ a 'l uśdàł.

Vale al s déśda e 'l dutōr Paul Ruth (Patrick McGoohan) al gh diś ch'l è 'n „scanner“, 'n indivìduv cun di putēr telepàtic e telecinètic dimóndi élt. In gir a gh 'n è dimóndi cuma lò, cmandâ par Darryl Revok (Michael Ironside), ch'i èṅ bòṅ ad far scupiàr la tèsta dla gint c'n al pinsēr. Chi lōr i gh 'l ànan cun la ConSec, na multinasiunàł ch'la lavóra in dal camp di armamènt.

Culegamènt estéran