A History of Violence
|
C'l artìcul chè 'l è scrit in
Miranduléś |
 A History of Violence
| ||
 Mortensen e la Maria Bello in na figùra dal film | ||
| Na stòria 'd viulénsa 2005 | ||
|---|---|---|
| Regìa: David Cronenberg | ||
| Scritōr: John Wagner • Vince Locke • Josh Olson | ||
| Atōr: Viggo Mortensen • Maria Bello • Ed Harris William Hurt • Ashton Holmes • Peter MacNeill Stephen McHattie • Greg Bryk • Sumela Kay Kyle Schmid • Heidi Hayes • Aidan Devine | ||
| Müsica: Howard Shore | ||
| Léngua: Ingléś | ||
| Dürä dal film: 96 minüt | ||
| Nasiōṅ: Cànada • Stat Unî • Germàgna | ||
A History of Violence (Na stòria 'd viulénsa) 'l è 'n film dramàtic dal 2005 ad David Cronenberg ch'al tōś ispirasiòṅ da na graphic novel dla DC Comics dal 1997 da 'l tìtul „Una storia violenta“. 'L è stâ candidâ a dū Prèmi Òscar, qvél par 'l atōr minga prutagunìsta (William Hurt) e qvél par la senegiadùra minga uriginàla (Josh Olson).
La pelìcula, preśentàda in cuncōrs a 'l 58śum Fèstival ad Cannes, l'è custàda trénta-dū migliòṅ ad dòlar faghénd-an pò sù da piò ad ssanta.
Sunt
Tom Stall (Viggo Mortensen) 'l è 'l pruprietàri 'd un risturànt in un paiśèṅ d'l Indiàna e 'l è spuśâ cun n'avucàta, l’Edie (Maria Bello), ch'la gh'à dâ dū fiōi, al śōvan Jack (Ashton Holmes) e na putìna ciamàda Sarah (Heidi Hayes). Un dè par diféndar na sò camaréra ch'l'éra drē a èsar cupàda da dū delinquènt sasèṅ, Leland (Stephen McHattie) e Billy (Greg Bryk), al riva a masàr-i. La nutìsia la finìs in past a la televiśiòṅ e Tom 'l è in tut i telegiurnài.
Dòp pôc tèmp a s fà viṿ in dal sò lucàl un sèrt Carl Fogarty (Ed Harris), un mafióś ad Filadèlfia cun 'n òć ad vēdar e la ghigna sgnada da di castòṅ ch'al vōl regulàr i cònt sèg. Al gangster al diś che Tom al s ciàma Joey Cusack a dir dabòṅ e che na vòlta, prima 'd èsar tradî da lò, al lauràva insém a sò fradèl Richie (William Hurt) par la sò urganiśasiòṅ.
Fogarty al taca a perseguitàr la famìja di Stall e Tom 'l è custrét a difénd'r-as da par lò.