Inseparabili (film)

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Dead Ringers
Inseparabili
Inseparabili.png
Jeremy Irons in na figùra dal film
Inseparàbii
1988
Regia: David Cronenberg
Scritùr: Bari Wood • Jack Geasland
David Cronenberg • Norman Snider
Atùr: Jeremy IronsGeneviève BujoldJane Luk
Heidi von PalleskeNick NicholsStephen Lack
Shirley DouglasBarbara GordonDamir Andrei
Müsica: Howard Shore
Lengua: Ingléś
Dürä dal film: 115 minüt
Nasiòṅ: CànadaStat Unî


«
Dū còrp, dū mènt, n'anma sōla. Divìd'r-i a prév ès'r un quèl spavintóś.»
(Tagline dal film)


Inseparabili (Inseparàbii) 'l è 'n film dramàtic dal 1988 ad David Cronenberg. Par cl'òpra chè al regìsta canadéś 'l è stâ premiâ a 'l Fèstival dal Film Fantàstic 'd Avioraz dal 1989.

La pelìcula, ch'l'è custàda trédas migliòṅ ad dòlar faghénd-an sù sōl òt, la tōś ispirasiòṅ da 'n rumànś umònim ad Bari Wood e 'd Jack Geasland e da 'n fat sucès dabòṅ a New York in dal 1975 quànd i dū śmèi Marcus i èṅ stâ catâ mòrt in cà sua saplî da la crica.

Sunt

Beverly (Jeremy Irons) e Elliot Mantle (Jeremy Irons), śmèi monośigôt, i èṅ dū ginecòlug ad sucès, manìac dal sò mistēr e d'l argumènt di “śmèi” in generàł. In dla sò vita i aṅ spartî incòsa, anc cal dóni.

Elliot 'l è qvél ch'al cmanda di dū e al s arcgnós da c'l àtar parchè Beverly dal vòlti al pòrta gl'uciài. Un dè Elliot al véd ch'na sò pasiènta, l'atōra Claire Niveau (Geneviève Bujold), la gh'à na màdar “trifurcàda” in dla pansa e al s inamóra 'd lē, pasànd-la anc a sò fradèl.

Quànd la dóna la vîṅ a savēr ad cal śuglèṅ lè la s incàsa 'd brut, in tut al manéri Beverly al patìs al fat che la Claire l'è da spés via par lavōr, inólt'r al créd anc che lē la 'l àppia mulâ. Beverly al fà fadìga a tiràr-as via 'l magòṅ, prima 'l próa c'n al bévar pò 'l taca a tōr dal dròghi finénd in na spiràł ad cupio dissolvi‎ tirànd dènt'r anc sò fradèl.

Un dè, dastrùt da 'l dulōr, Beverly al fà dal mâł sénsa vlēr a na sò pasiènta durànt na vìśita e tut i gh dàn'n adòs, anc Elliot. Beverly al s difénd dgénd ch'a n éra briśa cólpa sua ma l'éra 'l còrp dla dóna a èsar śbaliâ. Al dutōr al diségna acsè di strumènt cirùśig pinsâ pròpria par dal dóni mutànti che pò al s pòrta sèg in dla sala di uperasiòṅ.

Culegamènt estéran