Cosmopolis (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Cosmopolis
Cosmopolis (film).png
Robert Pattinson in na figùra dal film
id.
2012
Regia: David Cronenberg
Scritùr: David Cronenberg • Don DeLillo
Atùr: Robert PattinsonEmily Hampshire
Sarah GadonPaul GiamattiJuliette Binoche
Kevin DurandAbdul AyoolaSamantha Morton
Müsica: Howard Shore
Lengua: Ingléś
Dürä dal film: 109 minüt
Nasiòṅ: CànadaFrànciaItàgliaPurtugàl


«
Quànt in là pōl-'l andàr prima 'd finìr tròp luntàṅ?»
(Tagline dal film)


Cosmopolis (id.) 'l è 'n film dramàtic dal 2012 ad David Cronenberg trat da 'n rumànś umònim dal 2003 ad Don DeLillo.

La pelìcula, preśentàda in cuncōrs a 'l 65śum Fèstival ad Cannes, l'è custàda vint migliòṅ e mèś ad dòlar faghénd-an pò sù sōl siē e òṅ.

Sunt

Eric Packer (Robert Pattinson) 'l è 'n miliardàri ad vint-i-òt an ad New York ch'al s è péna spuśâ cun la scritōra 'd bòna famìja Elise Shifrin (Sarah Gadon) che però la n gh'à minga tanta vója 'd dar-'g-la. Un dè, dòp avēr patî un brut strabùc in bórsa, al decìd ad far-as tajàr i cavìi da 'l vèć barbēr 'd sò pàdar ch'al stà da cl'atra banda dla sità. Al śōv'n al partìs druànd la sò limousine ma al fà fadìga a giràr par Manhattan parchè a gh'è dimóndi tràfic esénd ch'a gh'à da rivàr al presidènt di Stat Unî e pò a gh'è anc al funeràł dna star dal rap e na manifestasiòṅ di anàrchig.

Dòp èsar-'s fat far un check-up in màchina, cuma tut i dè, e avēr gusâ cum la sò manager Didi Fancher (Juliette Binoche) e n'atra dóna incóra, Eric al masa la sò guàrdia dal còrp sparànd-ag ma pò al ròbi i s arbàltan parchè un sò èx dipendènt, Benno Levin (Paul Giamatti), al vōl far àtar tant sèg.

Culegamènt estéran