Crash

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Crash
Crash
Crash.png
L'Arquette, la Hunter e Spader in na figùra dal film
Śbrâg
1996
Regia: David Cronenberg
Scritùr: James Graham Ballard • David Cronenberg
Atùr: James SpaderDeborah UngerHolly Hunter
Rosanna ArquetteElias KoteasPeter MacNeill
Cheryl SwartsBoyd BanksJudah Katz
Müsica: Howard Shore
Lengua: Ingl霌vedéś
Dürä dal film: 100 minüt
Nasiòṅ: CànadaRégn Unî


«
Śbragàr al baréri fra 'l sès e al perìcul.»
(Tagline dal film)


Crash (Śbrâg) 'l è 'n film dramàtic e eròtic canadéś dal 1996 ad David Cronenberg, ispirâ a 'l umònim rumànś dal 1973 ad James Graham Ballard. 'L à vins al prèmi dla giurìa a 'l Fèstival ad Cannes dal 1996.

Sunt

Al prudutōr ad film publisitàri James Ballard (James Spader) 'l è spuśâ cun la Catherine (Deborah Unger) ma a livèl sesuàl al ròbi fra i dū i vànan mâl tant ch'i s faṅ da spés di còran. Un dè James, dòp avér patî 'n incidènt stradàl, al vèṅ purtâ a 'l uśdàl frî dimóndi e cun i òs tut śbragâ. Da na banda dal lèt a gh tîṅ a drē sò mujér. In d'l incidènt 'l éra mòrt al marè dla dutōra Helen Remington (Holly Hunter) ch'la s fà dimóndi mâl anca lē ma la la scampa. I dū i s védan pò in dal curidōr dal repàrt quànd i próan a far i prim pas, cun lē ch'la gh'à sèg un siensiâ, Vaughan (Elias Koteas), ch'al s pasa 'l tèmp faghénd dal foto ma anc miténd in at di incidènt in màchina cuma qvéi di persunàǵ famóś cuma James Dean e Jayne Mansfield, arfàt cuma Dio al cmanda.

La daśgràsia la càmbia la vita ad James ch'al taca a ligàr al pinsēr dal piaśēr sesuàl c'n al risć ad far di buć cun la màchina e ad murìr in autostràda. Al véd che anc chi àtar i la pénsan cumpàgn e lò al taca a ciulàr-as l’Helen, méntar a sò vòlta Vaughan al s fà sò mujér. A s śònta in dal grup anc na dóna armàśa sòpa dòp 'n incidènt e ch'l'è custréta a giràr cun di gambài ad mètal, la Gabrielle (Rosanna Arquette). Sōl vdénd dal màchini, dal metàl, di nis, di taj, di śbrag, dal fridi e di castròṅ in sla carna chi lōr i pōlan tiràr fóra al malnét ch'i gh'ànan dèntar e i n capìsan più gnint. Dal siri i s càt'n anc par guardàr dal caséti vìddeo in televiśiòṅ in dua i faṅ védar di incidènt, cuma s'i fùsan di filmâ pòran.

Un dè pò Vaughan al mōr dabòṅ tgnénd a drē a 'l sò visi malâ.

Culegamènt estéran