Apocalyptica

Da Wikipedia.
C'l artìcul chè 'l è scrit in Miranduléś Emiliàn
Gl'Apocalyptica da viṿ durànt al Wacken Open Air dal 2005


«
Komm in mein Boot, die Sehnsucht wird der Steuermann, komm in mein Boot, der beste Seemann war doch ich. Jetzt stehst du da an der Laterne, hast tränen im Gesicht, das Feuer nimmst du von der Kerze, die zeit steht still und es wird herbst. Sie sprachen nur von deiner Mutter, so gnadenlos ist nur die Nacht, am ende bleib ich doch alleine, die zeit steht still und mir ist kalt.»
(DE)(Seemann, 2003)
«
Salta sù in sla mè barca, la nustalgìa la turà al timunēr, salta sù in sla mè barca, al marinàr più braṿ a sòṅ pròpria mè. Adès at sē sót al fâr, at gh'à dal làgarmi in sal vólt, al fóg ch'at tò da la candéla, al tèmp 'l è férum e al gnarà 'l Aṿtòṅ. I dascóran sōl ad tò màdar, acsè catìva l'è sōl la nòt, a la fiṅ a 'rmagn sōl da par mè, al tèmp 'l è férum e mè a gh'ò fréd.»
(MUD)


Gl′Apocalyptica i èṅ un grup muśicàl finlandéś ch'al sòna al metàl sinfònic, na muśica cun al repertòri heavy metal fat druànd di viulunsèl.

La furmasiòṅ 'd adès l'è fata da tri muśicìsta, Eicca Toppinen, Paavo Lötjönen e Perttu Kivilaakso, tut laureâ a l'Accademia Sibelius 'd Helsinki. In dal pasâ i aṅ sunâ p'r al grup anc Antero Manninen e Max Lilja.

Biugrafìa

Al grup al s fórma a Helsinki in di an Nuànta e al taca faghénd dal cover di Metallica (al disc dal debùt dal 1996 Plays Metallica by four cellos, ch'al vōl dir A suném i Metallica cun quàtar viulunsèl, al gh'à dèntar sōl òt braṅ dal grup ad San Francisco) e di Sepoltura cun di strumènt a còrdi dla mùśica clàsica. Cun al secónd àlbum Inquisition symphony dal 1998, i Finlandéś i tàcan a rigistràr dal cansòṅ fati da lōr ma sèmpar cun al sound metal di inìsi. Ad tant in tant i sònan però anc di braṅ ad mùśica clàsica cuma Hall of the mountain king 'd Edvard Grieg misa dèntar in d'l àlbum Cult dal 2000.

I viulunsèl di Apocalyptica i èṅ cumpagnâ da na baterìa durànt i cuncèrt e in dal registrasiòṅ. I aṅ culaburâ pò sèg i baterìsta Mikko Sirén di Megaphone (dal viṿ e in dal disc Apocalyptica) e Dave Lombardo di Slayer (òspit in Apocalyptica e Reflections).

In dal film ad Neil LaBute Amici & vicini (Amìg & vśèṅ) dal 1998 i èṅ stâ druàdi soquànti parti ad Plays Metallica by four cellos cuma culóna sunóra.

In Itâglia in dal 2005 gl′Apocalyptica i aṅ vèrt al cuncèrt di tedésc Rammstein, banda che lì lōr, insém a la Nina Hagen, i ìvan rēś umàǵ sunànd a la granda la sò Seemann in dal disc Reflections revised dal 2003.

Discugrafìa

Perttu Kivilaakso al gh dà dèntar

Àlbum

  • 1996 – Plays Metallica by four cellos
  • 1998 – Inquisition symphony
  • 2000 – Cult
  • 2002 – Best of Apocalyptica (sōl p'r al marcâ giapunéś)
  • 2003 – Reflections
  • 2005 – Apocalyptica
  • 2006 – Amplified – A Decade of Reinventing The Cello
  • 2007 – Worlds Collide
  • 2010 – 7th Symphony

Sìngui

  • 1996 – Apocalyptica
  • 1998 – Harmageddon
  • 2001 – Path Vol. 2
  • 2002 – Hope Vol. 2
  • 2003 – Faraway Vol. 2
  • 2003 – Seemann
  • 2004 – Bittersweet
  • 2005 – Wie Weit
  • 2005 – Life Burns!
  • 2006 – Repressed
  • 2007 – I'm Not Jesus
  • 2007 – SOS
  • 2010 - 7th Symphony

Videugrafìa

  • 2001 – Live (in Munich)
  • 2003 – Reflections (bonus d'l àlbum Reflections Revised)
  • 2006 – The life burns tour

Artìsta tributâ

Culaburasiòṅ

Culegamènt estéran