Tesla

Da Wikipedia.
C'l artìcul chè 'l è scrit in Miranduléś Emiliàn
I Tesla dal viṿ in Śvèsia in dal 2008


«
I spent twelve years of hard time, more like the best years of my life. Never heard or read a single word about "the man" and his "wicked mind". They'll sell you on Marconi. Familiar, but a phony. Story goes, they sold their souls and swore that you'd never know»
(EN)(Edison's medicine, 1991)
«
A-j-ò pasâ dód'ś an dûr, da piò di più bèi an dla mè vita. A n s è mai sintî o lèt gnint in di riguàrd 'd "'l óm" e la sò "tèsta catìva". I t aṅ vindû a Marconi. Famigliàr, ma 'n fals. La stòria la và 'vanti, I aṅ vindû la sò anma e prumìs che ta n al savrà mai»
(MUD)


I califurniàṅ Tesla i èṅ un grup hard & heavy americàṅ, furmâ a Sacramento in dal 1984. I aṅ vindû da piò ad 14 migliòṅ ad disc in di sól Stat Unî. Al nóm ch'i àṅ sarnî al daśvèṅ da 'l inventór e inśniér sèrb Nikola Tesla.

Biugrafìa

Gl'Inisi (1982-1985)

Al grup al taca a sunàr cun al nóm ad City Kid in dal 1982 p'r òpra dal basìsta Brian Wheat e dal chitarìsta Frank Hannon. Par cumpletàr la furmasiòṅ i vénan ciamâ al baterìsta Troy Lucketta (ch'l iva laurâ cun Eric Martin, in séguit leader di Mr. Big), al cantànt Jeff Keith e il chitarìsta Tommy Skeoch.

A 'l inìsi la band la s fà i òs faghénd di cuncèrt insém a di atri grup cuma i Dokken e di demo prudót par Ronnie Montrose.

Pian piâṅ i s faṅ avanti al cà discugràfichi par met'r-i sóta cuntràt e Tom Zutaut (quél ch'l iva pascâ Mötley Crüe e Guns N' Roses) al gh fà firmàr par la Geffen Records in dal 1985.

I prim dû disc (1986-1990)

Al cantànt di Tesla Jeff Keith

In dal 1986 a vèṅ fóra al prim disc ciamâ Mechanical Resonance, un disc ch'al ś mōṿ a la granda fra 'n hard rock clàsic e al street metal ad chi an lè. Ez come ez go, Cumin' atcha live e Rock me to the top i èṅ di braṅ rock da stadi, Little Suzi (cover di Ph.D) e Modern Day Cowboy i èṅ i sìngui mènt'r i lènt i èṅ Changes e Before my eyes, cansòṅ ch'la sèra un disc ch'al n gh'à minga di cai.

«
Changes, time's makin' changes in my life, rearrangin', can't seem to stop the hands of time, I remember, I was so young, I was much too young to see, now I'm older, growing older, and I see things differently. Oh can't you see, it's changin' you and me.»
(EN)(Changes, 1986)
«
Cambiamènt, al tèmp al càmbia al ròbi in dla mè vita, mitén a pòst, a n gh la cav minga a farmàr al lacéti dal tèmp, a m vèṅ in amènt, a séra acsè śóvan, tròp śóvan par védar, adès a sòṅ più vèć, dvintànd vèć a véd al ròbi in n'atra manéra. Oh, véd-at minga? 'L è drē a cambiàr mè e tè.»
(MUD)

Dòp la publicasiòṅ dal disc, al grup al partìs p'r un tour insém a David Lee Roth, Def Leppard e Poison.

In dal 1989 'l è al tùran ad The Great Radio Controversy, àlbum cgnusû p'r avér-ag dèntar dû di sò lènt più famóś: Love song (un braṅ da pianśàr tant 'l è pîṅ ad sentimènt ch'i tóśan al cōr) e Paradise e di clàsic quài Hang tough, Lady luck e Makin' magic.

«
So you think that it's over that your love has finally reached the end, any time you call, night or day, I'll be right there for you if you need a friend. It's gonna take a little time, time is sure to mend your broken heart, don't you even worry, pretty darlin', I know you'll find love again, yeah. Love is all around you, yeah, love is knockin' outside your door, waitin' for you is this love made just for two, keep an open heart and you'll find love again, I know. Love is gonna find a way.»
(EN)(Love song, 1989)
«
Acsè at pèns ch'la sia finìda, ch'al tò amór 'l àppia tucâ la fiṅ, tut al vòlti ch'at ciàm, dè e nòt, a sarò là par tè s'at gh'à biśógn 'd 'n amìg. A gh vurà dal tèmp, al tèmp al giustarà séns àtar al tò cōr, minga spavintàr-at teśōr bèl, a sò ch'at catarà incóra 'l amór, sè. 'L amór 'l è lè 'd intóran, sè, 'l è drē a busàr-at da drē da 'l us, 'l è drē a spitàr tè, cl'amór chè fat sól par dû, tîṅ avèrt al tò cōr e at catarà 'l amór incóra, a 'l sò. 'L amór al catarà la manéra.»
(MUD)

In dal 1990, prima ch'i gnìsan fóra i unplugged 'd MTV, i regìstran un disc dal viṿ, cun dal versiòṅ acùstichi di sò braṅ più famóś e dal cover cuma We can work it out di Beatles, Mother's little helper di Rolling Stones o Signs un sucès dal 1971 di Five Man Electrical Band. Al tìtul dal lavór 'l è Five Man Acoustical Jam e in urìgin al gh'iva da èsar sól un cuncèrt ad beneficénsa, tgnû al 2 ad Luj dal stés an al Trocadero ad Philadelphia, ma pò 'l éra gnû fóra quèl ad fat bèṅ ch'al sarév stâ un pcâ far-al minga scultàr da tut.

Al sucès pîṅ ad Psychotic Supper (1991-1993)

I Tesla tòlt śò a New York in dal 2009

In dal 1991 i Tesla i fànan gnir fóra al lór tèrs disc ad studi, Psychotic Supper, un disc granìtic, sènsa punt ad màgar, cun i dû chitarìsta Skeoch e Hannon a fàr al cant e al contarcànt, specialmènt in dal prim sìngul Edison's medicine (na canta ch'la tóś la part ad Nikola Tesla còntra 'l nòstar Guglielmo Marconi) e in Don't de-rock me, rabìda e catìva cum a n s éra mai vist prima, ma a val la péna arcurdàr un braṅ 'd òt minùt e mèś, Song & emotions, un tribùt p'r al dasfurtunâ e amìg Steve “Steamin” Clark, chitarìsta di Def Leppard mòrt da pôc.

«
I see him there most every day, a lonely man and his guitar but in his eyes, I see the pain and all the faces and the places, all the trouble that he'd seen, oh yeah. There was a time, there was a day, they'd come from miles around, they all knew his name but day's gone by are gone, now only memories remain. Then he starts to play, suddenly the pain slowly fades away, oh tattered, torn and frayed, there's a place within his heart, he'll always save, the song and emotion.»
(EN)(Song & emotions, 1991)
«
Mè a 'l véd lè tut i dè sèmpar da piò, 'n óm da par lò cun la sò chitàra sèg, ma in di sò òć a véd al dulór e tut al faci e tut i pòst e tut i guàj ch'l iva vdû, sè. Na vòlta a gh'è stâ al tèmp e al dè, i éra gnû chè da luntàṅ, tut i al cgnusìvan par nóm, ma cal dè lè 'l è andâ, adès i rèstan sól i arcòrd. Pò al taca a sunàr, a 'l impruvîś al dulór al và via piàn piâṅ, oh sćiancâ, tirâ, śbrandlâ a gh'è un pòst in dal sò cōr e al sarà lò a salvàr-al sèmpar, al cant e l'emusiòṅ.»
(MUD)

Dégn ad nòta anc la dura Freedom slaves, 'l hard rock 'd Had enough, un braṅ ch'al par gnû fóra dal làpis di Mötley Crüe, e i sìngui Call it what you want e What you give.

I Tesla i ś mòlan (1994-1999)

Al chitarìsta Frank Hannon

In d'l Agóst dal 1994 a véd la luś al quàrt àlbum in studi, Bust a Nut (Rómpar na nóś, par via dla cupertìna in du a ś véd na màchina par schisàr e vèrar al nóś), 70 minùt 'd hard rock a la sò manéra, cun di braṅ dur (Solution, Action talks) misćiâ a quéi più lènt (Need Your Lovin, sìngul insém a Mama's Fool e A lot to Lose) ma al ròbi i n gìran minga cuma prima parchè al riva a ciapàr sól un disc 'd òr in dal 1995.

L'edisiòṅ giapunéśa dal 1998 dal disc la gh'à dèntar un braṅ da piò, la cover di Led Zeppelin The Ocean.

Subìt dòp la registrasiòṅ d'l àlbum, Tommy Skeoch al vèṅ butâ fóra dal grup parchè al ś fava ad dròga.

«
Down to the wire, on the end of the road, down to the wire, and the kids don't know, Mother Nature's on her knees and we're the reason of her disease, hanging off the ceiling, climbing up the walls, crawling on my hands and knees to make it through it all. Now we can change or stay the same, one's the answer and the next to blame, solution is a world of change.»
(EN)(Solution, 1994)
«
Śò p'r al caṿ, a la fiṅ dla strada, śò p'r al caṿ, e i putèṅ i n sànan minga, Màdar Natùra in śnòć e nuàtar a sém la càuśa dal sò mal, tgnùda strica a 'l sufìt, la và sù p'r i mur, traśànd in sal maṅ e in si śnòć, par far-gh-la dabòṅ. Adès a psém cambiàr o star férum, una l'è la rispòsta, ch'l'atra na vargóggna, la sulusiòṅ l'è un mónd ch'al cambia.»
(MUD)

Anc s'al grup al sarév stâ custrét par cuntràt a publicàr àtar dû disc par la Geffen, la cà discugràfica la parmét a i sinc califurgnàṅ ad mulàr-as e a tór dal stradi da par lór. Tut quést chè a sucèd pròpria in dal 1994, finî al tour.

Fiṅ lè i Tesla i ìvan vindû quèl cuma 14 migliòṅ ad disc.

A cal punt lè i sinc i tàcan dal caréri sulìsti, briśa rivànd però a i livèi ad prima.

Al ritóran (2000-2004)

Dòp soquànt an, i Tesla i tórnan insém al 25 'd Utóbar dal 2000 cun tut i mémbar uriginài in ucaśiòṅ 'd un cuncèrt tgnû a Sacramento e pò par tri in Dicémbar.

I cuncèrt i cuntìnuan anc 'l an dòp, fra Favràr e Utóbar, e i Tesla i i rigìstran faghénd gnir fóra un live dópi in dal Setémbar dal 2001 par la nóva cà discugràfica, la Sanctuary Records. Al tìtul dal lavór 'l è Replugged live.

Sèmpar par la Sanctuary, e a distànsa ad déś an dal precedènt, al grup al fà catàr in di negòsi un disc nóṿ in dal Mars dal 2004, Into The Now ('l ùltim cun Tommy Skeoch) ch'al s piàsa a 'l 31śum pòst dla clasìfica dla Billboard vindénd da piò ad 30.000 còpi la prima stmana e 10.000 a la stmana in séguit. I sìngui tirâ fóra i èṅ Caught in a Dream e Words Can't Explain. D'arcurdàr anc al duri Miles Away e Got No Glory, la title track e What a shame. Heaven Nine Eleven pò la dascór d'l atintâ 'd Osama Bin Laden al tóri śmèli ad New York dal 11.09.2001.

I Tesla dal viṿ, Luj 2010. In prim piaṅ al cantànt Jeff Keith, da drē i ś védan al basìsta Brian Wheat e al chitarìsta Dave Rude
«
Tell me why there's so much pain today, taking lives is for their grain or so they say, I can't believe it but they feel this way and that's the way of the world. Tell me why it takes a tragedy to see to wake us up and bring us down to our knees, all the people suffering with disease and that's the way, that's the way, that's the weight of the world. As the world crashes down, heaven's looking better everyday, as the sun burns the ground, there's gotta be another way, is our God looking down and does he feel everybody's pain as the world crashes down, Heaven's looking better everyday. Teach the children what it means to love, show them, why now, we can never give enough, let's work together, we can rise above and change the ways, change the ways, change the ways of the world.»
(EN)(Heaven nine eleven, 2004)
«
Dì-m parchè a gh'è acsè tant dulór incō, tōr dal viti l'è na gran ròba o acsè i dìśan, a n pòs mia créd'r-ag, ma lór i s sèntan acsè e quésta l'è la manéra dal mónd. Dì-m parchè a gh vōl na disgràsia par védar ad daśdàr-as e i s métan in śnòć, tuta la gint la patìs dal mal e quésta chè l'è la manéra, l'è la manéra, 'l è al péś dal mónd. Mènt'r al mónd al casca śò, al cēl al par méj tut i dè, mènt'r al sól al bruśa la tèra, a gh'à da èsar-gh n'atra manéra, guarda'l śò al nòstar Dio? Sènt-al lò al nòstar dulór mènt'r al mónd al và śò? Al cēl al par méj tut i dè. Inséggna a i putèṅ cuś a vōl dir vlèr bèṅ, fà-gh védar, parchè adès, a n psém mai dar asè, laurém insém, a psém muntàr in sima e cambiàr al ròbi, cambiàr al ròbi, cambiàr al ròbi in dal mónd.»
(MUD)

Témp 'd adès (2005-2011)

Al nóṿ chitarìsta Dave Rude

In dal Śugn dal 2007 i Tesla i faṅ gnir fóra 2 disc divìś ad cover, Real to Reel e Real to Reel 2, ch'i védan al debùt al nóṿ chitarìsta Dave Rude. Fra i 25 braṅ a gh'è All the young dudes ad David Bowie, Seasons of wither di Aerosmith, War pigs di Black Sabbath, Is it my body 'd Alice Cooper, Space truckin’ di Deep Purple e Honky tonk women di Rolling Stones.

A la fiṅ 'd Agóst i Tesla i dìśan ch'i tacaràṅ un tour in Austràglia, Giapòṅ e Europa da Utóbar a Nuvémbar, al prim da 16 an a sta part.

In d'l Utóbar dal 2008 a véd la luś 'l utàv disc in studi dla band americàna, Forever More, prudót par Terry Thomas, quél ad Bust a Nut. In dla cupertìna a ś véd dû schèltar in śnòć, òṅ in frònt a c'l àtar, ch'i s imbràsan cuntènt. Dòp vint-sinc an insém i Tesla i èṅ incóra bòṅ ad far un disc frésc, sèmpar in dal nóm d'l hard rock ad livèl élt. Forever more, Pvt Ledbetter e i sìngui I Wanna Live, Breakin’ Free e Fallin’ Apart i èṅ i braṅ ad punta.

«
Dear Private Ledbetter, I'm writin' you this letter to let you know that all is well at home and your family's doin' fine, they're prayin' that it's time and soon you'll be comin' home. Don't want you to worry, we're so proud of your sacrifice and all your dedication, so we can call ourselves, the land of the free. Dear Private Ledbetter, did you get my letter? We haven't heard, not one single word. I'm sure it's hard to find the time to drop us a line, in your fight for the free! We try not to worry. We're so proud of your sacrifice and all through our nation, that we call the land of the free!»
(EN)(Pvt Ledbetter, 2008)
«
Car Suldâ Ledbetter, a sòṅ drē a scrìvar cla létra chè par far-at savér che a cà 'l è tut a pòst e la tò famìja la stà bèṅ, i èṅ drē a pregàr ch'at turnarà a cà prèst. A n vój minga ch'at gh'appi di pinsér, a sém acsè urguglióś dal vòstar sacrifìsi e dal vòst'r impégn, ch'a psém ciamàr-as la tèra dla libertà. Car Suldâ Ledbetter, à't abû la mè létra? A n ém sintî gnint, gnanc na paròla. A sòṅ sicùr ch'l'è dura catàr al tèmp par scrìv'r-as na riga in dla tò lòta par la libertà! A pruém a n preucupàr-as briśa. A sém acsè urguglióś dal vòstar sacrifìsi par tuta la nasiòṅ, che nuàtar a ciamém la tèra dla libertà!»
(MUD)

Furmasiòṅ

Quéla 'd adès

  • Jeff Keith vóś (1984-1994, 2000-incō)
  • Frank Hannon chitàra, pianofòrt, òrgan (1984-1994, 2000-incō)
  • Dave Rude chitàra (2006-incō)
  • Brian Wheat bas, pianofòrt (1984-1994, 2000-incō)
  • Troy Luccketta baterìa (1984-1994, 2000-incō)

Ex-cumpunènt

  • Tommy Skeoch chitàra (1984-1994, 2000-2006)

Discugrafìa

Album in studi

  • 1986 Mechanical Resonance
  • 1989 The Great Radio Controversy
  • 1991 Psychotic Supper
  • 1994 Bust a Nut
  • 2004 Into the Now
  • 2007 Real to Reel
  • 2007 Real to Reel 2
  • 2008 Forever More
  • 2011 Twisted Wires

Album dal viṿ

  • 1990 Five Man Acoustical Jam
  • 2001 Replugged Live
  • 2002 Standing Room Only
  • 2003 Extended Versions
  • 2010 Alive in Europe

Racòlti

  • 1991 Bonus & Unreleased Rare Tracks
  • 1995 Time's Makin' Changes - The Best of Tesla
  • 2001 20th Century Masters - The Millennium Collection: The Best of Tesla
  • 2008 Time Machine - box set

EP

  • 2007 A Peace Of Time

Culegamènt estéran