Roulette cinese

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Chinesisches Roulette
Roulette cinese
Roulette cinese.png
La Macha Méril e la Schober in na figùra dal film
Roulette cinéśa
1976
Regia: Rainer Werner Fassbinder
Scritùr: Rainer Werner Fassbinder
Atùr: Anna KarinaAndrea SchoberMacha Méril
Ulli LommelBrigitte MiraVolker Spengler
Alexander AllersonMargit Carstensen
Müsica: Peer Raben
Lengua: Tedésc
Dürä dal film: 96 minüt
Nasiòṅ: GermàgnaFrància


«
La véra la pōl anc masàr.»
(Tagline dal film)


Roulette cinese (Roulette cinéśa) 'l è 'n film dramàtic tedésc dal 1976 ad Rainer Werner Fassbinder.

La pelìcula l'è stada giràda druànd un migliòṅ e sènt-mila marc tedésc, in alóra l'òpra più custóśa dal regìsta bavaréś.

Sunt

L’Ariane Christ (Margit Carstensen) e sò marè Gerhard (Alexander Allerson) i èṅ na còpia cun di bèsi ch'la viṿ a Mònag 'd Bavéra. Chi lōr i gh'aṅ na ragasōla ch'la fà fadìga a giràr da par lē parchè da pìcula la gh'à abû la pòlio, l’Angela (Andrea Schober). A tgnir-'g adrē a gh pénsa na badànta muta, la sgnōra Traunitz (Macha Méril).

Un dè i spóś i gh'aṅ da far un viàś ad lavōr tut dū, lò a Òślo e lē a Milàṅ, ma invéci Gerhard al gh'à in mènt 'd imprufitàr-as dal fat che sò mujér l'è via par purtàr-as la sò pràtica, l’Irene (Anna Karina), in dla vila 'd campàgna fóra di pē tgnuda a pòst da la sgnōra Kast (Brigitte Mira) ch'la gh astà insém a sò fiōl Gabriel (Volker Spengler). Quànd però al riva là al gh'à na bruta surpréśa: in sal pavimènt dal salòt, par tèra, al cata l’Ariane tuta anvlupàda a 'l sò asistènt Kolbe (Ulli Lommel). Adès 'l è ciàr a tut ch'i còran in famìja i vólan ch'l'è na balésa e dòp un prim mumènt ad śēl i quàt'r i s faṅ na ridùda.

Sò fiōla Angela, ch'la sà incòsa da sèmpar, la s fà scarusàr là par la Traunitz acsè da bcar-i su 'l fat ma i sò genitōr, p'r a n dar-'g-la minga vinsa, i decìdan listés ad pasàr la nòt in cambra c'n i sò amànt. Al dè dòp l’Angela la śibìs a tut chi àt'r ad śugàr a la “Roulette cinéśa”, un śōg in dua a gh'è da indvinàr al nóm dna parsòna pinsàda da chi àtar faghénd dal dmandi dal gènar „S'al fus... Chi sarév-al?“.

Culegamènt estéran