Il mercante delle quattro stagioni

Da Wikipedia.

C'l artìcul chè 'l è scrit in Miranduléś Emiliàn

Händler der vier Jahreszeiten
Il mercante delle quattro stagioni

Hirschmüller e la Schygulla in na figùra dal film
Al marcànt dal quàtar stagiòṅ
1971
Regìa: Rainer Werner Fassbinder
Scritōr: Rainer Werner Fassbinder
Atōr: Hans HirschmüllerHanna Schygulla
Andrea SchoberGusti KreisslKurt Raab
Ingrid CavenIrm HermannKlaus Löwitsch
El Hedi ben SalemLilo PempeitHarry Baer
Müsica: Rainer Werner Fassbinder • Peer Raben
Léngua: TedéscÀrab
Dürä dal film: 88 minüt
Nasiōṅ: Germàgna


«
Al racònt bujènt 'd al dasfamènt 'd 'n óm, dirèt p'r al grand Rainer Werner Fassbinder.»
(Tagline dal film)


Il mercante delle quattro stagioni (Al marcànt dal quàtar stagiòṅ) 'l è 'n film dramàtic tedésc dal 1971 prudót, scrit, senegiâ, dirèt, musicâ e recitâ par Rainer Werner Fassbinder. L'è la prim' òpra ch'al regìsta 'l à girâ par la sò cà 'd prudusiòn nóva ch'l iva vèrt insém a Michael Fengler, la “Tango Film”. Al tìtul al fà riferimènt a na manéra 'd dir francéśa, “un marchand des quatre-saisons”, ch'a sarév al vendidōr ad fruta frésca ch'la càmbia tut al stagiòṅ.

La pelicula l'è custàda sōl sentstantòt-mila marc e l'è stada giràda a Mònag 'd Bavéra.

Sunt

Hans Epp (Hans Hirschmüller) 'l è 'n śōvan ch'al gh'à da patìr 'l òdi ad sò màdar, na burghéśa sénsa cōr (Gusti Kreissl), ch'la 'l à batśâ cuma 'n bòṅdagnìnt patintâ, piutòst la gh preferìs sò surèla Heidi (Heide Simon), la fiōla più pìcula dòp l’Anna (Hanna Schygulla). Quànd sò màdar la gh pruibìs ad far al mecànig parché la n vōl minga che lò al faga 'n mistēr in dua a gh'è da inspurcàr-'s al maṅ, lò al decìd ad partìr par la Legiòṅ furastéra. Quànd al tórn' a cà soquànt an dòp, lē la gh diś ciàr e tónd che qvéi mijór i mōran śōvan, sōl lò invéci 'l è turnâ. Dòp avér pruâ sénsa sucès a far al pulisiòt, al decìd ad métar sù 'n banc ad fruta e vardùra ambulànt.

In séguit 'l óm al sa spóśa cun l’Irmgard (Irm Hermann), na dóna che però la n gh vōl briśa bèṅ e ch'la gh astà sèmp'r adòs, e sèg al fà na putìna, la Renate (Andrea Schober). In famìja al ròbi i vànan pròpria mâł e quànd lò al la pìcia e al gh tira na scrana adòs durànt na litgàda in dua lē la gh'iva dit ch'l éra 'n gugiōł a sucéd al finimónd. La dóna la pretént al divòrsi ma 'l óm al gh'à 'n infàrt e alóra a s và avànti listés srand 'n òć. P'r al fat ch'al n pōl piò far di sfòrs e di lavōr pēś tut da par lò, Hans al s fà jutàr p'r Anzell (Karl Scheydt), 'n óm ch'al gusàva sò mujér sénsa che lò al saìs gnint méntar 'l éra a 'l uśdàł. L’Irmgard la fà però in manéra c'n un tragatèṅ ad casàr-al via parchè al prév ès'r un testimòni dascòmad di sò còran. A 'l sò pòst Hans al tōś cuma sòci Harry (Klaus Löwitsch), un sò vèć amìg da i tèmp dla Legiòṅ furastéra.

In séguit Hans al capìs però 'd èsar dvintâ inùtil par la sò famìja, al taca pròpria a far-'g a mènt in mèś a i sò magòṅ e a la sò depresiòṅ. Dòp ès'r andâ a catàr sò màdar par l'ultma vòlta, Hans al và in un bar a bévar di bicér ad bira òṅ dòp c'l àtar. Cun i prubléma a 'l cōr crònig ch'al gh'à, davànti a sò mujér, a Harry e a soquànt àtar, 'l óm al fóga i sò daśpiaśēr in dal bévar e pò al s imbariàga in fiṅ a murìr.

Culegamènt estéran