Despair

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Despair
Despair
Despair.png
Dirk Bogarde e Klaus Löwitsch in na figùra dal film
Disperasiòṅ
1978
Regia: Rainer Werner Fassbinder
Scritùr: Tom Stoppard • Vladimir Nabokov
Atùr: Dirk BogardeAndréa FerréolIngrid Caven
Klaus LöwitschVolker SpenglerPeter Kern
Alexander AllersonArmin MeierLilo Pempeit
Müsica: Peer Raben
Lengua: Ingléś
Dürä dal film: 119 minüt
Nasiòṅ: Germàgna ÒvestFrància


«
Na cumèdia istèrica.»
(Tagline dal film)


Despair (Disperasiòṅ) 'l è 'n film tedésc dramàtic dal 1978 ad Rainer Werner Fassbinder, al prim girâ in ingléś.

La pelìcula l'è stada preśentàda a 'l 31śum Fèstival ad Cannes in dua 'l regìsta 'l è stâ numinâ, sénsa vìnsar, a la Palma 'd Òr.

Sunt

Hermann Hermann (Dirk Bogarde) 'l è 'n industriàł dla ciuculàta ch'al gh'à na fàbrica a Berlîṅ durànt i an dla Repùblica 'd Weimar. Uriginàri dla Rùsia ed ebrèj par part ad màdar, al gh'à na mujér biónda e titóna, la Lydia (Andréa Ferréol), che però la n è minga tant inteligìnta ma almànc la gh'à di bèsi. Inóltar chi lē la gh'à 'n cuśèṅ pitōr sèmpar fra di pē che lò al n è minga bòṅ ad cumpatìr-as, Ardalion (Volker Spengler), tant ch'al gh dà dal cuntadèṅ ucraèṅ e 'l diś anc ch'al pusa cuma na bèstia dal zoo.

Gl'afâr i n vànan minga tant bèṅ anc parchè la nasiòṅ l'è stranglàda da i débit dla prima guèra mundiàla e 'n sò culaburadōr ciamâ Müller (Peter Kern), cun dal simpatìi ad dèstra, al vrév ch'la Germàgna la śmitìs ad pagàr-i. Usesiunâ da la figùra dal sò dópi, ch'a gh pâr ad védar dapartùt, un dè Hermann 'l incróśa 'n uperàj buletàri, Felix Weber (Klaus Löwitsch), ch'al créd ch'al gh sumìlia dimóndi anc s'al n è briśa véra. 'L industriàł al 'l intórta dgénd 'd èsar 'n atōr ch'al pésca 'n dópi p'r i sò film, al gh śibìs di bèsi e pò 'l al masa scambiànd i vistî e i ducumènt sèg par ciapàr i bèsi d'l asicurasiòṅ su la vita ch'l iva fat c'n al sgnōr Perebrodov (Gottfried John). Ma la pulisìa la 'l bèca subìt in Śvisra in du 'l éra scapâ.

Culegamènt estéran