Nessuna festa per la morte del cane di Satana

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Satansbraten
Nessuna festa per la morte del cane di Satana
Nessuna festa per la morte del cane di Satana.png
Kurt Raab e la Carstensen in na figùra dal film
Minga fèsti par la mòrt dal caṅ ad Sàtana
1976
Regia: Rainer Werner Fassbinder
Scritùr: Rainer Werner Fassbinder
Atùr: Kurt RaabMargit CarstensenArmin Meier
Volker SpenglerUlli LommelIngrid Caven
Helen VitaBrigitte MiraKatherina Buchhammer
Müsica: Peer Raben
Lengua: Tedésc
Dürä dal film: 112 minüt
Nasiòṅ: Germàgna Òvest


«
Qvél ch'a gh'è 'd difarènt fra i pagàṅ e nuàtar 'l è che, a 'l urìgin ad tuti 'l cardénsi lōr, a gh'è 'n sfòrs terìbil p'r a n pinsàr minga da óm, par tgnir dacàt al cuntàt c'n al creâ tut, in atri paròli c'n al divîṅ.»
(Pinsēr 'd Antonin Artaud)


Nessuna festa per la morte del cane di Satana (Minga fèsti par la mòrt dal caṅ ad Sàtana) 'l è 'n film grutésc tedésc dal 1976 ad Rainer Werner Fassbinder.

La pelìcula l'è stada giràda a Mònag 'd Bavéra e a Badenbûrg c'n un budget stimâ 'd siesènt-mila marc tedésc, in alóra siē migliòṅ e dū ad franc a 'l incìrca.

Sunt

Al puvéta Walter Kranz (Kurt Raab) 'l è pròpria in criśi parchè al n è più bòṅ ad scrìvar gnint 'd interesànt e anc in famìja al ròbi i n vànan minga tant bèṅ parchè al gh'à na mujér ciciòna e sénsa sentimènt, la Luise (Helen Vita), e 'n fradèl ciucâ in dla suca, Ernst (Volker Spengler), ch'al tîṅ dacàt al móschi mòrti.

Walter 'l è in buléta sparàda e 'l fà fadìga a tiràr avànti. La sò cà editōra la n gh ślunga minga 'n antìsip e anc i sò amìg Rolf (Marquard Bohm) e la Lisa (Ingrid Caven) i n gh dànan briśa di bèsi in prèst. Sōl na sò vècia amànta, la Irmgart von Witzleben (Katherina Buchhammer), l'è prònta a firmàr-ag 'n aségn ma lò al la masa subìt dòp. Méntar 'n ispetōr ad pulisìa (Ulli Lommel) al taca 'n indàśin par far luś su 'l umisìdi, tut 'd un trat a Walter a gh vîṅ l'ispirasiòṅ par butàr śò quàtar vèrs sénsa far a mènt però ch'a s trata dn'òpra vècia 'd Stefan George.

Sèmpar più śò al puvéta al próa a 'ndàr a lèt, sénsa cavàr-'g-la, cun 'n óm cgnusû in un cèso (Armin Meier), pò al taca na relasiòṅ cun na sò amiradōra 'd pruvìnsa, l’Andrée (Margit Carstensen), che lò al dasfrùta ecunumicamènt méntar sò mujér la mōr.

Culegamènt estéran