Julianne Moore

Da Wikipedia.
C'l artìcul chè 'l è scrit in Miranduléś Emiliàn
La Julianne Moore c'n al tuchìni a 'l bras


La Julie Anne Smith, cgnusùda méj c'n al nóm 'd art ad Julianne Moore (Fayetteville, 3 ad Dicémbar dal 1960), l'è n'atōra americàna rósa 'd cavìi vinsidōra in dal 2015 dal Prèmi Òscar cuma atōra prutagunìsta p'r al film Still Alice.

Dòp èsar stada spuśàda da 'l 1986 a 'l 1995 cun 'l atōr e regìsta John Gould Rubin, in dal 2003 la tōś cuma marè al regìsta Bart Freundlich, ad déś an più śōvan. Sèg la gh'à dū fiōi, Caleb e Liv.

Biugrafìa

Dòp ès'r-as laureàda in bèli arti, la Moore la và a star a New York in dua la s adàta a far la camaréra méntar la taca a lauràr a teàtar. A 'l insìsi di an Nuànta la fà 'l sò debùt a 'l cìnema girànd la pelìcula 'd scarésa I delitti del gatto nero ad John Harrison e 'l thriller La mano sulla culla ad Curtis Hanson. In dal 1993 la in gira 'n àtar par Uli Edel, Body of Evidence - Il corpo del reato, insém a la Madonna. Sémp'r in c'l an lè la tōś part a Il fuggitivo cun Harrison Ford e Tommy Lee Jones e pò a America oggi, caplavōr ad Robert Altman, in dua la gh'à 'l curàǵ ad far védar la pèpa.

La Moore tòlta śò a Venèsia in dal 2009
La Julianne in dal 2010
La Moore a Cannes in dal 2014
Un sò prim piàṅ

In dal 1995 la taca la sò culaburasiòṅ c'n al regìsta Todd Haynes faghénd Safe e in séguit Lontano dal paradiso e Io non sono qui. In chi an lè la gira anc dū film ad caséta cuma Nine Months - Imprevisti d'amore e Il mondo perduto - Jurassic Park. In dal 1997 l'è prutagunìsta ad Boogie Nights - L'altra Hollywood, na pelìcula ch'la dascór dla caréra 'd 'n atōr pòran da 'l sucès a la daśgràsia. In dal 1998 la lavóra c'n i fradèi Ethan e Joel Coen in Il grande Lebowski pò la tōś la part ch'l'éra stada dla Vera Miles in d'l arfacimènt ad Psyco girâ par Gus Van Sant, Psycho. La tórna a la cumèdia 'l an dòp cun La fortuna di Cookie ad Robert Altman e cun Un marito ideale da 'n lavōr 'd Oscar Wilde. In dal 1999 l'è in dal cast ad Magnolia insém a Tom Cruise.

In dal 2001 la gira 'l séguit 'd Il silenzio degli innocenti, Hannibal, tulénd la part ch'l'éra stada dla Jodie Foster. 'L an dòp la pasa a 'l pelìculi dramàtichi faghénd Lontano dal paradiso e The Hours cun la Nicole Kidman.

Filmugrafìa

Culegamènt estéran