Il mondo perduto - Jurassic Park

Da Wikipedia.

C'l artìcul chè 'l è scrit in Miranduléś Emiliàn

The Lost World: Jurassic Park
Il mondo perduto - Jurassic Park

Jeff Goldblum in na figùra dal film
Al mónd pardû - Parc Giuràsic
1997
Regìa: Steven Spielberg
Scritōr: Michael Crichton • David Koepp
Atōr: Jeff GoldblumRichard Attenborough
Julianne MooreVince VaughnArliss Howard
Pete PostlethwaiteThomas Rosales Jr.
Peter StormareCamilla BelleHarvey Jason
Vanessa ChesterRichard SchiffRobin Sachs
Müsica: John Williams
Léngua: IngléśSpagnōl
Dürä dal film: 129 minüt
Nasiōṅ: Stat Unî


«
Quèl al l'à scampàda.»
(Tagline dal film)


Il mondo perduto - Jurassic Park (Al mónd pardû - Parc Giuràsic) 'l è 'n film fantàstic americàṅ dal 1997 ad Steven Spielberg, segùit dal film Jurassic Park dal 1993.

Al gh'à abû un sucès cumerciàł dimóndi grôs avénd muciâ sù da piò ad siesènt-daśdòt migliòṅ ad dòlar a frònt 'd un cóst ad stanta-tri.

Sunt

A quàt'r an da 'l incidènt ch'l à dâ vita a 'l Parc Giuràsic, al prufesōr Ian Malcom (Jeff Goldblum) 'l à pardû la sò reputasiòṅ e al sò pòst a l'università in du 'l insgnàva p'r avér pruâ a cuntàr a la gint la véra ad qvél ch'a gh'éra lugâ in dl’Ìśula Nublar. John Hammond (Richard Attenborough) in cal méntar 'l éra stâ custrét a cédar al cuntròl dla InGen a 'l sò anvō Peter Ludlow (Arliss Howard), 'n óm 'd afâr sénsa cōr.

Hammond al ciàma a cà sua Malcolm par dir-ag ch'a gh'è n'atra ìśula cun di dinusàur ch'i gh vìv'n insìma. A s trata dl’Ìśula Sorna, un pòst in dua i nigrulòṅ i nasìvan prima 'd èsar spustâ da cl'atra banda quànd i dvintàvan grand. A séguit 'd un stravènt ch'l à spasâ via incòsa però al sèntar 'l éra stâ bandunâ e adès i dinusàur i gh crésan salvàdag. Hammond al dmanda ajùt a Malcolm par farmàr Peter ch'al gh vōl far i bèsi. A 'l inìsi al prufesōr al gh diś ad nò ma quànd al vèṅ a savēr ch'la sò muróśa ch'la stùddia 'l bèsti, la Sarah Harding (Julianne Moore), la s cata là, al decìd ad dar-ag na maṅ e ad partìr par l'ìśula.

Culegamènt estéran