Shelter - Identità paranormali

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg 6 Souls
Shelter - Identità paranormali
Shelter - Identità paranormali.png
La Julianne Moore in na figùra dal film
Rifùǵ - Identità paranurmàli
2010
Regìa: Måns MårlindBjörn Stein
Scritōr: Michael Cooney
Atōr: Julianne MooreJonathan Rhys Meyers
Jeffrey DeMunnBrooklynn ProulxNate Corddry
Frances ConroyJoyce FeurringSteven Rishard
Müsica: John Frizzell
Léngua: Ingléś
Dürä dal film: 112 minüt
Nasiōṅ: Stat Unî


«
Prima 'd tōr la tò vita al ciaprà la tò anma.»
(Tagline dal film)


Shelter - Identità paranormali (Rifùǵ - Identità paranurmàli) 'l è 'n thriller paranurmàł americàṅ dal 2010 ad Måns Mårlind e 'd Björn Stein, girâ a Pittsburgh.

Custâ vint-a-dū migliòṅ ad dòlar, al film al 'n à fat pò sù sōl tri e dū.

Sunt

La dutōra Cara Harding (Julianne Moore) l'è na psichiàtra cuma sò pàdar (Jeffrey DeMunn) e la diś la sua in di prucès esénd na criminóluga 'd mistēr. Armàśa védva da pôc, la gh'à da crésar da par lē na putìna pìcula ciamàda Sammy (Brooklynn Proulx) ma cun 'l ajùt ad sò fradèl Stephen (Nate Corddry). Un dè la dóna la s cata a tratàr al caś 'd un pasiènt fóra 'd tèsta ciamâ Adam (Jonathan Rhys Meyers), un ragàs ch'al créd 'd èsar David Bernberg (Chaz Moneypenny), un baghēt daśgrasiâ minga bòṅ 'd giràr mòrt masâ soquànt an prima, e pò anc Wesley Crite (Paul J. Rosenburg), un cantànt heavy metal ch'a s pinsàva ch'al s fus tòlt la vita.

La Cara la taca a pinsàr ch'al śōv'n al gh'àppia di prubléma 'd depresiòṅ e ch'al fat ch'al càmbia persunalità acsè da spés 'l è par vìvar dal viti ad gint più dasfurtunàdi ad lò. Dascurénd cun la màd'r ad David (Frances Conroy), la sènt ch'a gh'è 'n pòst dal muntàggni d'l Alabàma in dua, subìt dòp la prima guèra mundiàla, a gh'éra stada n'epidemìa dl'influénsa spagnōla ch'l'iva fat murìr dagnóra tut gl'abitànt, ma minga 'l prevòstar (Michael Graves) vgnû da fóra e 'l sò putìni. Chi lò, dgénd che Dio 'l iva risparmiâ la sò famìja parchè cristiàṅ, al vliva śluntanàr la gint da la stria dal pòst, na vècia ciamàda da tut „nunóna“ (Joyce Feurring). Quànd però chi lōr i ìvan savû ch'al prēt al s éra salvâ sōl parchè al s éra fat inśdìr, lasànd murìr tut chi àtar ch'i n saìvan minga dal vacîṅ, i aṅ decìś ad masàr-al cun 'l ajùt dla stria ch'la gh'iva prima cavâ via l'anma ciuciànd-'g-la via par la bóca e pò maladî par sèmpar.

La Cara la taca a pinsàr che Adam al sia ligâ in na quàlc manéra a 'l religióś.

Culegamènt estéran