Body of Evidence - Il corpo del reato
|
C'l artìcul chè 'l è scrit in
Miranduléś |
 Body of Evidence | ||
| Body of Evidence - Il corpo del reato | ||
 La Madonna in na figùra dal film | ||
| Body of Evidence - Al còrp dal reàt 1992 | ||
|---|---|---|
| Regìa: Uli Edel | ||
| Scritōr: Brad Mirman | ||
| Atōr: Madonna • Willem Dafoe • Joe Mantegna Anne Archer • Julianne Moore • Stan Shaw Charles Hallahan • Mark Rolston • Jeff Perry | ||
| Müsica: Graeme Revell | ||
| Léngua: Ingléś | ||
| Dürä dal film: 99 minüt | ||
| Nasiōṅ: Stat Unî • Germàgna | ||
Body of Evidence - Il corpo del reato (Body of Evidence - Al còrp dal reàt) 'l è 'n thriller eròtic americaṅ dal 1992 'd Uli Edel prudót par la Dino De Laurentiis Company e par la Neue Constantin Film. Par cla pelìcula chè la Madonna la s è bcada un Razzie Awards par l'atōra più lòfi.
Custâ trénta migliòṅ ad dòlar, al film al 'n à pò fat sù trént'òt.
Sunt
[mudéfica la surzéia]Andrew Marsh (Michael Forest), óm 'd afâr ad Pòrtland dimóndi ric, al vîṅ catâ mòrt in dla sò cambra da lèt dòp 'n atàc ad cōr. La pulisìa la n créd minga ch'a sia stada na daśgràsia ma piutòst un masamènt e la suspèta ch'la galerìsta Rebecca Carlson (Madonna) la gh'àppia fat vgnir 'n infàrt faghénd sèg di śōg eròtic purcùs e sadumàś, druànd al sò còrp cuma arma dal delìt. Al pùblic ministēr Robert Garrett (Joe Mantegna) 'l è sicûr ch'la sia culpévula anc parchè, cun la mòrt dal sò amànt ch'al gh'iva anc dal trasi 'd cucaìna in dal sànguv, la s è misa in bisàca un quèl cuma òt migliòṅ ad dòlar. A gh'è anc na testimòni d'l umisìdi, la segretària dla vitma Joanne Braslow (Anne Archer).
Frank Dulaney (Willem Dafoe), avucàt difensōr dla Rebecca dimóndi ingénuṿ, al próa a dimustràr ch'la sò cliènta la n gh'èntra gnint ma 'l finìs insaplâ in na tlaréda 'd periculóś śōg eròtic strulgâ pròpria da lē ch'la s al pòrta a lèt.