Vera Miles

Da Wikipedia.
C'l artìcul chè 'l è scrit in Miranduléś Emiliàn
La Vera Miles in dal film „Al làdar“


La Vera Miles, nóm 'd art dla Vera June Ralston (Boise City, 23 'd Agóst dal 1929) l'è n'atōra americàna ch'in dla sò caréra l'à girâ da piò ad sènt-sinquànta film p'r al cìnema e ch'la laurâ a dimóndi séri televiśìvi ad sucès cuma Alfred Hitchcock Presenta, L'ora di Hitchcock, Ai confini della realtà, Bonanza, Ironside, La casa nella prateria, Love Boat, Le strade di San Francisco e La signora in giallo.

Adès la stà in Califòrgna e l'à decìś 'd a n far-as più véd'r in pùblic.

Biugrafìa

La Vera Miles la nas in Oklahoma da Burnice Wyrick e da la Thomas Ralston ma pò la pasa la sò giuinésa in Kànsas in dua la s dipòma a la "Wichita North High School". Dòp avér fat la mudèla (in dal 1948 la vins al tìtul ad “Miss Kànsas” e la riva tèrsa a “Miss America”) la taca na lunga caréra in dal mónd dal cìnema in dua la lavóra, fra gl'àtar, par John Ford in Sentieri selvaggi e L'uomo che uccise Liberty Valance e p'r Alfred Hitchcock in Il ladro e Psyco. In di an Sinquànta la taca a lauràr anc par la televiśiòṅ faghénd di telefilm òṅ a drē a c'l àtar.

La Miles la s è spuśàda tri vòlti: in dal 1948 cun Bob Miles ch'al gh'à dâ dū fiōli, la Debra (nada in dal 1950) e la Kelley (nada in dal 1952, dvintàda anca lē n'atōra), in dal 1954 cun 'l atōr Gordon Scott, ch'al gh'à dâ 'n fiōl, Michael (nâ in dal 1957) e in dal 1960 cun Keith Larsen ch'al gh'à dâ 'n fiōl, Erik (nâ in dal 1961 e atōr anc lò). Da 'l 1971 la s è divìśa da 'l ùltim marè.

Filmugrafìa minga cumpléta

La Miles in 'n epiśòdi dal telefilm „Ai confini della realtà“

Culegamènt estéran