Così fan tutte

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Così fan tutte
Così fan tutte.png
Branciaroli e la Claudia Koll in na figùra dal film
I fànan tuti acsè
1992
Regia: Tinto Brass
Scritùr: Tinto Brass • Francesco Costa
Ted Rusoff • Bernardino Zapponi
Atùr: Claudia KollPaolo LanzaRossana Doll
Franco BranciaroliJean René Lemoine
Luciana CireneiTinto BrassOrnella Marcucci
Renzo RinaldiIsabella DeianaMarco Marciani
Müsica: Pino Donaggio
Lengua: Itagliàṅ
Dürä dal film: 92 minüt
Nasiòṅ: Itàglia


Così fan tutte (I fànan tuti acsè) 'l è 'n film eròtic dal 1992 ad Tinto Brass ch'l à fat cgnósar in Itâglia la Claudia Koll che chè la fà la prutagunìsta. Al regìsta venesiàṅ 'l iva śibî na part anc a la Cristina Parodi ma chi lē l'à dit ad nò.

Al tìtul dla pelìcula la tōś al nóm da n'òpra ad Wolfgang Amadeus Mozart.

Sunt

La Diana (Claudia Koll) l'è la spuślìna śóvna ad Paolo (Paolo Lanza) e la fà la cumésa in un negòsi ad vistî da dóna dal sèntar. Chi lōr dū i viv'n a Róma e lē l'è cuntènta dal matrimòni. A gh'è sōl un prubléma: la n gh 'n à mai asè parchè l'è na spurcaciòna ad prima categurìa. Quànd na sò culéga ad lavōr la gh cunsìlia 'd a n far-as minga di prubléma a mét'r i còran a sò marè, cuma la fà pò anca lē cun al vèć padròṅ dla butéga, Diana la la tōś in paròla e la decìd acsè 'd andàr a lèt cun un sò cuśèṅ venesiàṅ e pò anc cun un francéś fóra ad tèsta ch'al s ciàma Donatien Alphonse (Franco Branciaroli) cuma al Marchéś de Sade.

Turnàda a cà Diana la taca a cuntàr i sò quèi da purcùsa a Paolo, faghénd finta ch'i sìan sōl dal fantaśìi, cun l'idéa ad mét'r un pôc ad pēvar in dal rapòrt. Quànd qvést chè al capìs invéci la véra, al la mòla par soquànt tèmp finénd però in dla réda ad sò cugnàda, ch'la vrév purtàr-'s a lèt al marè ad sò surèla, ma sénsa dar-gh-la vinsa. In cal méntar la Diana, ch'l'iva tòlt dla dròga in un rave party, la pasa na sira a ciulàr cun un négar vgnû fóra da 'n seminàri.

Turnâ insém, i dū spuśèṅ i decìdan cuntinuàr la vita insém, faghénd-la dvintàr sōl un pôc più malnéta ad prima.

Culegamènt estéran