Io Caligola

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Caligula
Io Caligola
Io caligola.png
Malcolm McDowell in na figùra dal film
Mè Calìgula
1979
Regia: Tinto BrassBob GuccioneGiancarlo Lui
Scritùr: Gore Vidal • Masolino D'Amico (V.O.)
Bob Guccione • Giancarlo Lui • Franco Rossellini (V.'84)
Atùr: Malcolm McDowellTeresa Ann Savoy
Guido MannariJohn GielgudPeter O'Toole
Bruno BriveAdriana AstiGiancarlo Badessi
Leopoldo TriestePaolo BonacelliHelen Mirren
Müsica: Paul Clemente • Renzo Rossellini
Lengua: ItagliàṅIngléś
Dürä dal film: 154 minüt
Nasiòṅ: ItàgliaStat Unî


«
L'art l'è anc fiōla dla stòria e la stòria l'è anc fata ad schivési e purcarìi.»
(Tagline dal film)


Caligola (distribuî in séguit c'n al tìtul 'd Io Caligola) 'l è 'n film eròtic e stòric itagliàṅ e americàṅ dal 1979 ad Tinto Brass cun di pès śuntâ, anc pòran, par Giancarlo Lui e par 'l editōr dla rivìsta Penthouse Bob Guccione ch'l è anc al prudutōr e ch'l iva sarnî al regìsta venesiàṅ dòp ch'i gh'ìvan dit ad nò John Huston e la Lina Wertmüller. Al cònta la vita d'l imperadōr rumàṅ Gaio Cesare Germanico dit Calìgula.

In dal cast a gh'iva da ès'r-ag anc la Maria Schneider ma pò chi lē l'à mulâ incòsa quànd 'l éra ciàr ch'i gh sarésan stadi dal séni malnéti e di atōr cavâ śò. A 'l sò pòst l'è stada tòlta la Teresa Ann Savoy ch'l'iva laurâ insém a Brass in dal film Salon Kitty.

Custâ vint-a-dū migliòṅ ad dòlar, al 'n à fat sù da piò ad vint-a-tri in di sōi Stat Unî. L'òpra la 'n à pasâ ad tut i culōr, cun Tinto Brass e 'l prudutōr Franco Rossellini ch'i èṅ andâ a prucès p'r al séni spurcaciòni dal film, c'n i giùdas ch'i ìvan decìś ad sćiancàr al dódas còpi dla pelìcula. In dal 1984 al film 'l è stâ armuntâ ad nóṿ cun na versiòṅ scurtàda ad quarànta minùt e distribuìda acsè in di cìnema itagliàṅ. In di Stat Unî a gira invéci na versiòṅ ślungàda ad 156 minùt.

Sunt

La stòria d'l imperadōr rumàṅ più fóra 'd tèsta ch'a gh sia stâ, Gaio Cesare Germanico dit Calìgula (Malcolm McDowell), cun tut al sò cativèri e purcarìi ch'l à fat durànt al sò régn.

Culegamènt estéran