Monamour

Da Wikipedia.

C'l artìcul chè 'l è scrit in Miranduléś Emiliàn

Monamour

La Žimskaja e Riccardo Marino in na figùra dal film
Al mè amōr
2005
Regìa: Tinto Brass
Scritōr: Tinto Brass • Carla Cipriani
Alina Rizzi • Massimiliano Zanin
Atōr: Anna ŽimskajaMax ParodiNela Lucic
Riccardo MarinoVirginia BarrettPaolo Lanza
Leo MantovaniAndrea Di BlasioClaudio Moioli
Müsica: Heron Borelli
Léngua: Itagliàṅ
Dürä dal film: 94 minüt
Nasiōṅ: Itàglia


«
Al mìstar d'l Èros 'l è turnâ... scandalóś cum al n è mai stâ!»
(Tagline dal film)


Monamour (Al mè amōr) l'è na cumèdia eròtica dal 2005 ad Tinto Brass ispiràda a 'l rumànś Amare Leon dl'Alina Rizzi. La pelìcula la gh'iva da èsar preśentàda a 'l 62śum Fèstival ad Venèsia ma a 'l ùltim al diretōr Marco Muller al s è tirâ indrē lasànd-la fóra.

Al tìtul dla pelìcula l'è 'n śōg ad paròli parchè in francéś al vōl dir “Al mè amōr” ma in Vènet “Mona” a vōl dir “Pèpa”.

Sunt

Dario (Max Parodi) 'l è 'n diretōr edituriàł ch'l è sèmp'r impgnâ par lavōr. In Setémbar, cuma tut i an, al gh'à da 'ndàr a 'l fèstival dla literadùra 'd Mantṿa insém a sò mujér, la biónda Marta (Anna Žimskaja). Chi lē là la cgnós 'n artìsta pariśèṅ ch'al fà di diségn, Leon (Riccardo Marino), e sèg a scròca la mòla parché chi lò al gh piàś dimóndi. Sò marè pò al n vâl più na cica a lèt parchè al gh'à la tèsta sèmpar da n'atra banda.

Na sò amìga mantṿàna, la Silvia (Nela Lucic), la gh diś ad lasàr-'s andàr e 'd a n far-as minga di scrùpui a far di còr'n a sò marè. Leon al fà acsè pruàr a la Marta al sès più purcùs ch'a sa gh sia, ciapàr-'l in dal cûl e 'l sès a tri, lē e dū masć.

La dóna l'è dimóndi cuntènta e la scriv incòsa su 'l sò diàri. Quànd Dario 'l al lèś al capìs che sò mujér la gh piàś un muć, a sarà parchè 'l è gelóś o parchè 'l à vdû quànd l'è malnéta la Marta, in tut al manéri al matrimòni adès al n è piò in perìcul.

Culegamènt estéran