Fermo posta Tinto Brass
|
C'l artìcul chè 'l è scrit in
Miranduléś |
 Fermo posta Tinto Brass
| ||
 Tinto Brass in na figùra dal film | ||
| Férum pòsta Tinto Brass 1995 | ||
|---|---|---|
| Regìa: Tinto Brass | ||
| Scritōr: Tinto Brass • Aurelio Grimaldi • Claudio Lizza | ||
| Atōr: Tinto Brass • Cinzia Roccaforte • Paolo Lanza Cristina Rinaldi • Sara Cosmi • Pascal Persiano • Gaia Zucchi | ||
| Müsica: Riz Ortolani | ||
| Léngua: Itagliàṅ | ||
| Dürä dal film: 81 minüt | ||
| Nasiōṅ: Itàglia | ||
Fermo posta Tinto Brass (Férum pòsta Tinto Brass) 'l è 'n film eròtic dal 1995 a epiśòdi, minga ligâ fra 'd lōr, ad Tinto Brass.
Sunt
Al regìsta Tinto Brass (Tinto Brass) al ricév da dal sò amiradōri dimóndi purcùsi dal létri in dū che lōr i gh cònt'n al sò fantaśìi più purcùsi o al purcàdi ch'i fànan c'n i sò óm. Brass al diś pò la sua e al 'n in dascór cun la sò segretària Lucia (Cinzia Roccaforte), una ch'la n pòrta minga 'l mudàndi sóta 'l stanlèṅ.
Uciàdi
La Milena (Laura Gualtieri) la fà 'l amōr cun malìsia insém a 'l sò muróś Dario méntar n'atra còpia la i tîṅ 'd òć.
Al guldòṅ
Guido (Paolo Lanza) e l’Elena (Erika Savastani) i èṅ dū vènet malnét, marè e mujér, ch'i pàs'n al sò tèmp fra cà e caśèṅ. La dóna la fà la putàna e lò al la gusa faghénd finta 'd a n cgnósar-la briśa.
Al mudandìni
L’Elisabetta (Alessandra Antonelli) la gh cata gust a cavàr-as śò mént'r un turìsta giapunéś (Seji Fukasawa) al la tira śò cun la màchina futugràfica.
Vìddeo fat in cà
La Renata (Gaia Zucchi) e Piero, la Maria (Claudia Biagiotti) e Mario (Ghibly F. Lombardi) i èṅ dū còpi ch'i gh'aṅ na pasiòṅ cumpàgna: qvéla ad far di vìddeo spurcaciòṅ fat in cà par pò catàr-as par far sès lśénd cal rivìsti lè malnéti cun di anùnsi bujînt.
La telefunàda
La raśdóra Rossella (Gabriella Barbuti) la fà sès a 'l telèfun cun na parsòna ch'la n la cgnós minga e pò la và a ciulàr cun sò marè Gianni (Gianni De Martiis).
Incóntar
La Francesca (Carla Solaro) e Paolo (Pascal Persiano) i èṅ dū spóś ad Turèṅ ch'i gh càtan gust a far di scambi 'd còpia.
A t ò pardû
Al napulitàṅ Filippo al gh'à 'l visi dal śōg 'd aśàrd e acsè un dè al decìd ad śugàr-as sò mujér Ivana (Cristina Rinaldi) par pagàr dū ch'i vansàvan di bèsi da lò. La dóna però la gh cata gust e la dmanda a sò marè ad pèrd'r incóra.
La segretària
Tinto Brass al spiéga cum è-la ch'al fà a sarnìr al sò atōri faghénd far a la Gabry (Jasmine), ch'la vōl na part in un sò film, la próa dla „munéda“.
Stivalèṅ rós tang
La segretària Lucia la s vèra pròpria cuntànd na sò fantaśìa ch'la s éra tgnuda dènt'r anc tròp: far-as métar di stivalèṅ a i pē da Tinto Brass in parsòna.