Monella

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Monella
Monella.png
L'Anna Ammirati in na figùra dal film
Dìscula
1998
Regia: Tinto Brass
Scritùr: Tinto Brass • Carla Cipriani
Atùr: Anna AmmiratiPatrick MowerMax Parodi
Serena GrandiSusanna MartinkováCarlo Reali
Antonio SalinesVittorio AtteneLaura Trotter
Müsica: Pino Donaggio
Lengua: ItagliàṅVènetFrancéśSicigliàṅ
Dürä dal film: 120 minüt
Nasiòṅ: Itàglia


«
La virginità l'è cuma na briśa 'd paṅ, a riva 'n uśèl e 'l s la pòrta via.»


Monella (Dìscula) 'l è 'n film eròtic dal 1998 ad Tinto Brass girâ in pruvìnsa 'd Mantṿa a Dözul e a Pumpunésch.

La prutagunìsta Anna Ammirati la canta 'l braṅ Mona Monella dal mìstar Pino Donaggio e la bala 'l Mambo Italiano, pès cantâ par la Carla Boni.

Sunt

La Lola (Anna Ammirati) l'è na ragasōla sensuàla e sénsa frêṅ ch'a gh piàś giràr in bicicléta faghénd véd'r al cûl a tut qvéi ch'i pàsan par strada esénd ch'al sò stanlèṅ al gh vōla sèmpar via. Sò màdar, la Zaira (Serena Grandi), na vòlta la lauràva in sna naṿ tgnénd adrē a 'l depòśit di pagn, adès invéci la s pasa 'l tèmp c'n al sò amànt, André (Patrick Mower). Anc la Lola l'è impgnàda parchè la s è misa c'n al furnàr dal paéś, Tommaso Zurli dit Masetto (Max Parodi), e la vrév tant far 'l amōr sèg ma chi lò 'l à decìś ch'a n s in dascór in fiṅ a 'l matrimòni parchè al la rispèta.

Anc s'la sò sarta francéśa, la Michelle (Susanna Martinková), la gh'à bèla preparâ 'l vistî da spóśa, cla śmudandàda dla Lola la gh'à la “patàca bujènta” e la s è stufàda 'd spetàr incóra specialmènt pò p'r al fat ch'al sò Masetto al s gusa 'd nascòst cla scaja dla Wilma (Francesca Nunzi). La Lola, da 'l cant suo, la próa a far-as cal purcùs 'd André ma sò màdar la s mét in mèś e la la para via dand-ag dla putàna. Invintànd-as la stòria 'd èsar stada viulentàda da 'n óm ch'al gh'iva śibî 'n pasàǵ in màchina in na nòt ad piōva, la ragàsa la fà incasàr Masetto ch'acsè al s la fà da la ràbia faghénd pò a mènt ch'l'éra tuta na bala vdénd al sangṿ. In tut al manéri la Lola la gh'à finalmènt abû qvél ch'la pascàva da 'n pès e tuta cuntènta la pōl spuśàr al sò muróś mént'r un diretōr 'd urchèstra (Tinto Brass) al sòna par lōr durànt al pranś ad nòsi.

Culegamènt estéran