Claudia Koll

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La Claudia Koll tòlta śò in dal 2011


La Claudia Maria Rosaria Colacione, cgnusùda méj c'n al nóm 'd art ad Claudia Koll (Róma, 7 ad Maǵ dal 1965), l'è n'atōra itagliàna.

Dòp 'n inìsi 'd caréra in di film spurcaciòṅ cun Così fan tutte ad Tinto Brass in séguit la s davśìna a la Céśa catòlica pinsànd anc ad far-as sōra sénsa però andàr fiṅ in fónd p'r amōr ad sò fiōl[1].

Biugrafìa

Fiōla dna famìja 'd ciśarōi, finî i sò studi a 'l lìceo clàsic Orazio 'd Róma, la Claudia Maria Rosaria la taca a far soquànt cōrs ad teàtar in fiṅ a che 'l regìsta Tinto Brass al la sarnìs par la part ad cla purcùsa dla Diana in Così fan tutte, pelìcula 'd sucès ispiràda a l'òpra c'n al stés nóm ad Wolfgang Amadeus Mozart.

In séguit la gira 'l cumèdi Miracolo italiano (1994), Uomini sull'orlo di una crisi di nervi (1995) e Cucciolo (1998) ma la sò caréra da atōra ad cìnema la patìs un férum. La gh và méj in televiśiòṅ in dua la preśénta 'l Fèstival ad Sanrémo dal 1995 insém a Pippo Baudo e a l'Anna Falchi e la gira soquànti fiction ad sucès cuma Linda e il brigadiere (1997-2000) e Valeria medico legale (2000-2002).

In di an Dumìla la crés in lē la fēd e la Koll la taca a far di pelegrinàǵ a 'l Santuàri Puntifìsi dla Vìrgin Beàta dal Sant Ruśàri 'd Pumpèi dòp avēr anc dâ vita a la ONLUS “Gl'òpri dal Pàdar”.

Esénd malàda 'd Celiachìa l'è stada in pasâ na madrìna dl'Asuciasiòṅ Itagliàna Celiachìa.

Filmugrafìa

Culegamènt estéran

Nòti