Salon Kitty
|
C'l artìcul chè 'l è scrit in
Miranduléś |
 Salon Kitty
| ||
 Satta Flores e l'Ingrid Thulin in na figùra dal film | ||
| Salòṅ Kitty 1975 | ||
|---|---|---|
| Regìa: Tinto Brass | ||
| Scritōr: Antonio Colantuoni • Ennio De Concini Maria Pia Fusco • Tinto Brass • Peter Norden | ||
| Atōr: Stefano Satta Flores • Teresa Ann Savoy Helmut Berger • Ingrid Thulin • Sara Sperati Paola Senatore • John Steiner • John Ireland | ||
| Müsica: Fiorenzo Carpi | ||
| Léngua: Itagliàṅ • Tedésc • Ingléś | ||
| Dürä dal film: 130 minüt | ||
| Nasiōṅ: Itàglia • Germàgna Òvest • Frància | ||
Salon Kitty (Salòṅ Kitty) 'l è 'n film dramàtic e eròtic dal 1975 ad Tinto Brass trat in na manéra libra da 'l rumànś umònim ad Peter Norden ch'al cuntàva la stòria dal Salòṅ Kitty, un caśèṅ che durànt la secónda guèra mundiàla a gh'éra a Berlîṅ.
Sunt
La Kitty Kellermann (Ingrid Thulin) l'è la pruprietària dla cà 'd apuntamènt più famóśa 'd Berlîṅ, al Salòṅ Kitty, anc s'al regìm naśìsta, durànt la guèra, al 'l à fat dvintàr un caśèṅ destinâ anc a gl'ufisiài d'l eśèrcit par parmétar-'g ad gusàr. Sénsa che lē la sàppia quèl però al sò burdèl 'l è dvintâ anc un strumènt in dal maṅ di naśìsta ch'i dróan al scaj, tuti tedéschi sarnìdi a mōd, par scultàr ad nascòst qvél ch'i dìś'n i cliènt, c'n in mèś anc di funsiunàri furastēr, e se par caś qualchidòṅ al gh'is da dir quèl cónt'r al Tèrs Reich al sarév giustisiâ in quàt'r e quàt'r òt.
Al tenènt dgl'SS Helmut Wallenberg (Helmut Berger), qvél ch'l à strulgâ incòsa, al fà acsè masàr Hans Reiter (Bekim Fehmiu), un tedésc ch'al s éra stufâ 'd cumbàtar p'r al regìm. Na ragàsa inamuràda 'd lò ch'la lavóra lè, la Margherita (Teresa Ann Savoy), 'd acòrd cun la Kitty, la cata la manéra 'd denunsiàr-al par tradimènt faghénd-'l acsè giustisiàr.