Non aprite quella porta 2
|
C'l artìcul chè 'l è scrit in
Miranduléś |
 The Texas Chainsaw Massacre 2
| ||
| Non aprite quella porta 2 | ||
 Dennis Hopper in na figùra dal film | ||
| Minga vèrar c'l us là 2 1986 | ||
|---|---|---|
| Regìa: Tobe Hooper | ||
| Scritōr: L.M. Kit Carson • Tobe Hooper | ||
| Atōr: Dennis Hopper • Bill Moseley • Kirk Sisco Jim Siedow • Caroline Williams • Bill Johnson Ken Evert • Harlan Jordan • James N. Harrell Lou Perryman • Chris Douridas • Barry Kinyon | ||
| Müsica: Tobe Hooper • Jerry Lambert | ||
| Léngua: Ingléś | ||
| Dürä dal film: 101 minüt | ||
| Nasiōṅ: Stat Unî | ||
Non aprite quella porta 2 (Minga vèrar c'l us là 2) l'è na cumèdia 'd scarésa giràda in dal 1986 par Tobe Hooper, séguit dna sò pelìcula dal 1974, Non aprite quella porta.
Custàda quàtar migliòṅ e sèt ad dòlar, la pelìcula la 'n à pò fat sù òt cuntànd i sōi Stat Unî.
Sunt
Al sierìf Boude Enright dit Lefty (Dennis Hopper) al gh l'à a mòrt cun na famìja 'd canìbai texàṅ ciucàda in dla suca che tréd'ś an prima l'iva masâ i sò anvōd, la Sally Hardesty e sò fradèl paraplègic Franklin. Un dè na disc jockey dna ràdio dal pòst, la Vanita Brock dita Stretch (Caroline Williams), la gh pòrta 'n nàstar in dū a gh'è registrâ insìma 'l vóś ad dū ragàs, Buzz (Barry Kinyon) e Rick (Chris Douridas), che la sira prima i ér'n in culegamènt sèg mént'r i giràv'n in camiunsèṅ quànd a 'l impruvìs i aṅ tacâ a sigàr par la paùra. I śōvan i éran stâ vitmi 'd 'n atàc ad Leatherface (Bill Johnson), òṅ ad chi manìac là ch'al cópa druànd na séga lètrica e ch'al s ciàma acsè parchè al pòrta na pèla 'd un cadàvar su la sò ghigna.
Lefty 'l è decìś a far-'g-la pagàr finalmènt a Leatherface, a sò fradèl Chop-Top (Bill Moseley), ch'al gh'à 'n crani 'd metàl, e a tuta la sò rasa.
La saga
La saga ad The Texas Chainsaw Massacre, tacàda in dal 1974, la gh'à abû tri séguit, 'n arfacimènt e 'n prequel.
- Non aprite quella porta (The Texas Chainsaw Massacre, 1974), ad Tobe Hooper
- Non aprite quella porta 2 (The Texas Chainsaw Massacre II, 1986), ad Tobe Hooper
- Non aprite quella porta 3 (Leatherface: The Texas Chainsaw Massacre III, 1990), ad Jeff Burr
- Non aprite quella porta IV (The Return of the Texas Chainsaw Massacre, 1994), ad Kim Henkel
- Non aprite quella porta (The Texas Chainsaw Massacre, 2003), ad Marcus Nispel - 'L arfacimènt
- Non aprite quella porta - L'Inizio (The Texas Chainsaw Massacre - The Beginning, 2006), ad Jonathan Liebesman - Al prequel
- Non aprite quella porta 3D (2013), ad John Luessenhop