Non aprite quella porta 3D
|
C'l artìcul chè 'l è scrit in
Miranduléś |
 Texas Chainsaw 3D
| ||
| Non aprite quella porta 3D | ||
 L'Alexandra Daddario in na figùra dal film | ||
| Minga vèrar c'l us là 3D 2013 | ||
|---|---|---|
| Regìa: John Luessenhop | ||
| Scritōr: Adam Marcus • Tobe Hooper • Kim Henkel Debra Sullivan • Kirsten Elms • Stephen Susco | ||
| Atōr: Alexandra Daddario • Scott Eastwood Dan Yeager • Trey Songz • Keram Malicki-Sánchez Shaun Sipos • Tania Raymonde • Thom Barry | ||
| Müsica: John Frizzell | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
Non aprite quella porta 3D (Minga vèrar c'l us là 3D) 'l è 'n film ad scarésa americàn dal 2013 ad John Luessenhop, séguit in 3D dna pelìcula 'd Tobe Hooper dal 1974 da 'l tìtul Non aprite quella porta.
Custâ vint migliòṅ ad dòlar, al film al 'n à pò muciâ sù da piò ad quarànta-sèt.
Sunt
Al 19 'd Agóst dal 1973 un grup 'd ragàs in vacànsa in pulmèṅ al vîṅ maslâ viṿ da na famìja 'd canìbai dal Tèxas, a s salva sōl na ragàsa ciamàda Sally Hardesty (Marilyn Burns). Purtàda da 'l sierìf Hooper (Thom Barry), chi lē la gh cònta incòśa e i sitadèṅ dal paiśèṅ, par vindicàr-as, i dànan fōg a la cà di sasèṅ ch'i mōran tut a part na putìna, l’Edith Rose Sawyer. La baghéta la vîṅ purtàda via e tgnuda cuma na sò fiōla da Gavin Miller (David Born), dòp avēr cupâ sò màdar, la Loretta Sissy Sawyer (Dodie Brown).
Dimóndi an dòp l’Edith, carsùda c'n al nóm 'd Heather Miller (Alexandra Daddario), la vîṅ cuntatàda par Farnsworth (Richard Riehle), avucàt dla sò nunóna biulògica Verna Carson (Marilyn Burns), ch'al gh diś che la vècia, prima 'd murìr, l'à fat testamènt lasànd-ag na vila esénd la sōla scampàda dla rasa di Sawyer/Carson.
L’Heather la partìs in furgunsèṅ p'r andàr a védar la cà insém a 'l sò muróś Ryan (Trey Songz) e a dū sò amìg, la Nikki (Tania Raymonde) e Kenny (Keram Malicki-Sánchez). Durànt al viàś i càrgan sù Darryl (Shaun Sipos), un ragàs ch'al dmandàva 'n pasàǵ p'r andàr a Tulsa. Rivâ in dla vila, i gh càtan dèntar 'n insiminî cun na pèla 'd óm in ghigna (Dan Yeager), ch'al taca a cupàr-i òṅ a òṅ.
La saga
- Non aprite quella porta (The Texas Chainsaw Massacre, 1974), ad Tobe Hooper
- Non aprite quella porta 2 (The Texas Chainsaw Massacre II, 1986), ad Tobe Hooper
- Non aprite quella porta 3 (Leatherface: The Texas Chainsaw Massacre III, 1990), ad Jeff Burr
- Non aprite quella porta IV (The Return of the Texas Chainsaw Massacre, 1994), ad Kim Henkel
- Non aprite quella porta (The Texas Chainsaw Massacre, 2003), ad Marcus Nispel - 'L arfacimènt
- Non aprite quella porta - L'Inizio (The Texas Chainsaw Massacre - The Beginning, 2006), ad Jonathan Liebesman - Al prequel
- Non aprite quella porta 3D (2013), ad John Luessenhop