Le notti di Salem

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Salem's Lot
Le notti di Salem
Notti di Salem.png
David Soul in na figùra dal film
Al nòt ad Sàlem
1977
Regia: Tobe Hooper
Scritùr: Stephen King • Paul Monash
Atùr: David SoulJames MasonLance Kerwin
Bonnie BedeliaGeorge DzundzaLew Ayres
Müsica: Harry Sukman
Lengua: Ingléś
Dürä dal film: 184 minüt
Nasiòṅ: Stat Unî


«
Par tut i dè ch'i murìvan, n'atra nòt ad scarésa la nasìva.»
(Tagline dal film)


Le notti di Salem (Al nòt ad Sàlem) 'l è 'n film ad scarésa dal 1979 ad Tobe Hooper trat da 'n rumànś ad Stephen King e muntâ ligànd insém al dū puntàdi scurtàdi a 112 minùt dna série televiśìva ciamàda Gli ultimi giorni di Salem.

Sunt

Jerusalem's Lot l'è na sitadìna dal Maine ciamàda da i sò abitànt Salem's Lot. Ben Mears (David Soul), un scritōr ch'al gh'è nâ, al decìd ad turnàr-ag par tōr in afìt na vila ciamàda Cà Marsten ma 'l edifìsi 'l è bèla stâ ciapâ da 'n antiquàri, Richard Straker (James Mason), ch'al diś che 'n sò sòci, Kurt Barlow (Reggie Nalder), al gh'è andâ a star dèntar.

A n sèrt punt un ragàs ciamâ Ralphie Glick (Ronnie Scribner) al sparìs sénsa lasàr trasi. Mears, ch'in cal méntar 'l à tacâ na relasiòṅ cun la fiōla dal dutōr Bill Norton (Ed Flanders), la Susan (Bonnie Bedelia), al taca a pinsàr ch'a gh sia insaplâ in na quàlc manéra Straker parchè al śōvan al n s cata piò da quànd 'l è rivâ lò in paéś. Inól'r al scritōr al taca a pinsàr che la cà la sia 'n sit maladî.

In di dè a vgnir dū lavuradōr, Mike Ryerson (Geoffrey Lewis) e Ned Tebbets (Barney McFadden), i ciàpan 'l incàr'g ad purtàr na casa in dla Cà Marsten sénsa savēr che lè dèntar a gh'è pròpria 'l còrp ad Barlow, parènt ad Straker, ch'a dir dabòṅ 'l è 'n vampîr.

Culegamènt estéran