La casa dei massacri
|
C'l artìcul chè 'l è scrit in
Miranduléś |
 Toolbox Murders
| ||
| La casa dei massacri | ||
 La Sheri Moon Zombie in na figùra dal film | ||
| La cà di masàcar 2004 | ||
|---|---|---|
| Regìa: Tobe Hooper | ||
| Scritōr: Jace Anderson • Adam Gierasch | ||
| Atōr: Angela Bettis • Brent Roam • Juliet Landau Marco Rodríguez • Rance Howard • Greg Travis Ken Evert • Christina Venuti • James N. Harrell Adam Gierasch • Adam Weisman • Harlan Jordan Stephanie Silverman • Sheri Moon Zombie | ||
| Müsica: Joseph Conlan | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
La casa dei massacri (La cà di masàcar) 'l è 'n film ad scarésa dal 2004 ad Tobe Hooper, arfacimènt lìbar ad Lo squartatore di Los Angeles ad Dennis Donnelly.
Sunt
La Daisy Rain (Sheri Moon Zombie) in na giurnàda 'd pióva la riva a 'l Lusman Arms, 'n albêrg stòric in ristruturasiòṅ trasfurmâ in un cundumìni in afìt aministrâ p'r al sgnōr Byron McLieb (Greg Travis). Dòp ès'r andàda in dla sò cambra la vîṅ masàda a śmartlàdi da 'n óm c'n un pasamuntàgna in ghigna.
In dla strutùra i gh càtan pòst anc al mèdag Steven Barrows (Brent Roam) e sò mujēr, la Nell (Angela Bettis). Da i mur i s sèntan tut i stus di vśèṅ, specialmènt quànd i lìtgan. La còpia la cgnós l'èx budlóna Julia Cunningham (Juliet Landau), cla malnéta dla Saffron Kirby (Sara Downing), Ned Lundy (Adam Gierasch), magnàṅ, marangòṅ, letricìsta e muradōr dla palàs, e Chas Rooker (Rance Howard), un vèć atōr ch'al stà lè da 'l 1947. Chi lò al cònta a la dóna che 'l albêrg, batśâ cuma maladî, 'l éra stâ tirâ sù da 'n tisi ciamâ Jack Lusman.
Quànd la Nell la cata in un buś dal mur na scatlìna cun dèntar di dènt umàṅ, spavintàda, la vrév spatinàr incóra ma sò marè, sèmp'r impgnâ a 'l uśdàł, al gh diś ch'i n gh'aṅ minga di bèsi abàsta. In cal méntar i pèrdan la vita anc la Saffron, stablìda a 'l mur da na spara-ciòld, e la Julia, masàda c'n un tràpan da 'l sasèṅ.
Chas al ślunga a la Nell na rivìsta c'n in mèś un fujét in du a gh'è scrit ad pascàr la cambra nùmar 504 che però la n eśìst briśa.