Quel motel vicino alla palude
|
C'l artìcul chè 'l è scrit in
Miranduléś |
 Eaten Alive
| ||
| Quel motel vicino alla palude | ||
 Englund e la Roberta Collins in na figùra dal film | ||
| Cal mutèl là davśèṅ a 'l padól 1977 | ||
|---|---|---|
| Regìa: Tobe Hooper | ||
| Scritōr: Alvin L. Fast • Kim Henkel • Mardi Rustam | ||
| Atōr: Neville Brand • Mel Ferrer • Carolyn Jones Robert Englund • Marilyn Burns • William Finley Stuart Whitman • Janus Blythe • Kyle Richards Crystin Sinclaire • Roberta Collins • Betty Cole | ||
| Müsica: Tobe Hooper • Wayne Bell | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Quel motel vicino alla palude (Cal mutèl là davśèṅ a 'l padól) 'l è 'n film ad scarésa girâ in dal 1977 c'n un budget ad sincsènt-vintmìla dòlar a 'l incìrca par Tobe Hooper tri an dòp al sucès ad Non aprite quella porta. A 'l èstar 'l è cgnusû c'n i tìtui 'd “Eaten Alive” in di Stat Unî, “Death Trap” in dal Régn Unî, “Le crocodile de la mort” in Frància e “Blutrausch” in Germâgna.
Al film al tōś ispirasiòṅ da la vita ad Joe Ball, un masadōr seriàł ch'l à cupâ un muć ad dóni in di an Trénta par pò dar-li in past a i sò aligadōr, acsè a s cònta.
Sunt
Dòp ès'r-as tiràda indrē a 'l ùltim da 'l vój ad cal purcùs dal cowboy Buck (Robert Englund), la putàna Clara Wood (Roberta Collins) la vèṅ mandàda via subìt da la padròna dal burdèl in du la lauràva, la sgnōra Hattie (Carolyn Jones). La ragàsa la dmanda alóra na cambra in dal mutèl ad Judd (Neville Brand), un vèć suldâ ch'l iva fat la guèra in Vietnam e ch'al n è minga tant a pòst esénd paranòic. Chi lò al gh'à anc un cucudrìl ch'al viṿ in dal padól ch'al riva 'd sóta 'l pòrdag, un pustàs sèmpar pîṅ 'd fumàna.
Quànd a Judd a gh vèṅ in mènt ch'la dóna la prév èsar na rója ad qvili dla sgnōra Hattie, al s arlìa dimóndi, al tōś un rastèl e al la cópa prima ad butàr-la in dl'àqua par dar da magnàr a la sò bèstia.
Pôc tèmp dòp a riva lè na famìja cun marè e mujér, Roy (William Finley) e la Faye (Marilyn Burns), ch'i lìtgan sèmpar. Insém a lōr a gh'è anc la sò putìna, l’Angie (Kyle Richards), ch'la gh'à da patìr la mòrt dla sò caggna p'r òpra dal cucudrìl. Quànd Roy al próa a diféndar-la tirànd un cōlp ad sćiòp, Judd 'l al masa cun la msōra e pò al liga a lèt sò mujér.
In cal méntar a s fà viṿ anc Harvey Wood (Mel Ferrer) ch'al pésca sò fiōla Clara insém a sò surèla Libby (Crystin Sinclaire).