Non aprite quella porta (film 2003)
|
C'l artìcul chè 'l è scrit in
Miranduléś |
 The Texas Chain Saw Massacre
| ||
| Non aprite quella porta | ||
 Mike Vogel e Eric Balfour in na figùra dal film | ||
| Minga vèrar c'l us là 2003 | ||
|---|---|---|
| Regìa: Marcus Nispel | ||
| Scritōr: Tobe Hooper • Scott Kosar | ||
| Atōr: Jessica Biel • Erica Leerhsen • Eric Balfour Mike Vogel • Jonathan Tucker • Andrew Bryniarski R. Lee Ermey • David Dorfman • Mamie Meek | ||
| Müsica: Steve Jablonsky | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî | ||
Non aprite quella porta (Minga vèrar c'l us là) 'l è 'n film ad scarésa girâ in dal 2003 par Marcus Nispel, afracimènt 'd un film c'n al stés nóm dal 1974 ad Tobe Hooper.
Custâ nóṿ migliòṅ e mèś ad dòlar, al film al 'n à pò muciâ sù da piò 'd sènt-sèt.
La pelìcula la tōś spunt (cuma anc Psyco, Il silenzio degli innocenti e Deranged) da quél ch'l iva fat dabòṅ Ed Gein, al Killer dal Wiscònsin dit anc al Maslàr ad Plainfield, òṅ ch'l à masâ e magnâ soquànti parsòni e dasquaciâ dal casi da mòrt in di an Sinquànta, faghénd-as 'l aredamènt in cà druànd di òs e di pès umàṅ e cupànd cun la pèla dal sò vitmi in sal grugn.
Sunt
Al 18 'd Agóst dal 1973, turnànd a cà dòp un viàś in Mèsic, quàtar ragàs, l’Erin (Jessica Biel), al sò muróś Kemper (Eric Balfour), Andy (Mike Vogel) e Morgan (Jonathan Tucker) i dàn'n un pasàǵ a na śuvnòta ch'la s ciàma Pepper (Erica Leerhsen) e pò a n'atr' incóra ch'la gh'à biśógn 'd ajùt, esénd pîna 'd sangṿ, che però la s masa sparànd-as.
Al grup al decìd acsè ad farmàr-as a na stasiòṅ 'd pulisìa par cuntàr incòsa a 'l sierìf ma i n al càtan minga. L’Erin e Kemper i s férman pò lung la via davànti a na cà vècia par dmandàr ad psēr far na telefunàda. A gh vèra 'n vèć sénsa gambi ch'al gira insìma a na scrana a rudèli. Méntar la ragàsa dascór sèg, in n'atra cambra a riva òṅ cun na mascra 'd pèla in sal grugn (Andrew Bryniarski) ch'al cópa Kemper.
La saga
- Non aprite quella porta (The Texas Chainsaw Massacre, 1974), ad Tobe Hooper
- Non aprite quella porta 2 (The Texas Chainsaw Massacre II, 1986), ad Tobe Hooper
- Non aprite quella porta 3 (Leatherface: The Texas Chainsaw Massacre III, 1990), ad Jeff Burr
- Non aprite quella porta IV (The Return of the Texas Chainsaw Massacre, 1994), ad Kim Henkel
- Non aprite quella porta (The Texas Chainsaw Massacre, 2003), ad Marcus Nispel - 'L arfacimènt
- Non aprite quella porta - L'Inizio (The Texas Chainsaw Massacre - The Beginning, 2006), ad Jonathan Liebesman - Al prequel
- Non aprite quella porta 3D (2013), ad John Luessenhop