I figli del fuoco

Da Wikipedia.

C'l artìcul chè 'l è scrit in Miranduléś Emiliàn

Spontaneous Combustion
I figli del fuoco

Brad Dourif al ciàpa fōg in na figùra dal film
I fiōi dal fōg
1990
Regìa: Tobe Hooper
Scritōr: Tobe Hooper
Atōr: Brad DourifCynthia BainJon Cypher
Kevin ConwayDey YoungMelinda Dillon
William PrinceMichael Keys HallDale Dye
Dick ButkusJoe MaysStacy Edwards
Müsica: Graeme Revell
Léngua: Ingléś
Dürä dal film: 97 minüt
Nasiōṅ: Stat Unî


«
Tobe Hooper, aṿtōr 'd "A n vèrar minga cla pòrta là" e "Poltergeist", al firma 'n àtar śgriśōr 'd aṿtōr dòp al grand sucès ad "Nightmare".»
(Tagline dal film)


I figli del fuoco (I fiōi dal fōg) 'l è 'n thriller fantasientìfic dal 1990 da Tobe Hooper ch'al 'l à anc scrit.

'L è stâ girâ a Los Angeles in Califòrgna.

Sunt

In dal 1955, in dal deśèrt dal Nevàda, la Modern Atomic Technologies ad Lew Orlander (William Prince) l'è drē a purtàr avànti al “Prugèt Samson“ p'r al guèr'n americàṅ faghénd di studi su la bómba H. Brian Bell (Brian Bremer) e sò mujér Peggy (Stacy Edwards), dū siensiâ ch'i lavóran là, i decìd'n ad tōr 'n intrùj ch'a s pènsa al pòsa prutéś'r-i da 'l radiasiòṅ ch'i decìd'n ad pruàr durànt 'n esperimènt in un bunker nucleàr. Quèl però a n và p'r al vèrs giùst parchè quànd a nas al sò putèṅ Sam (Brad Dourif) lōr i ciàpan fōg e i mōran bruśâ viṿ.

Trénta-sinc an dòp, dvintâ grand, Sam al taca a dar fōg a la gint c'n al pinsēr quànd al s arlìa, quànd al gh'à tut adòs o quànd al pèrd la pasînsia. Da la sò banda a gh'è sōl la sò muróśa, la Lisa Wilcox (Cynthia Bain), e Orlander in parsòna.

Culegamènt estéran