Jana Čepelová
|
C'l artìcul chè 'l è scrit in
Miranduléś |
La Jana Čepelová (Košice, 29 ad Maǵ dal 1993, a s lèś [ˈjana ˈt͡ʃɛpɛlɔva:]) l'è na tenìsta śluvàca. L'è élta 168 cm e la péśa 60 chilo. La dróa al bras dèstar e la tira 'l arvèrs a dū maṅ.
A gh piàś dimóndi śugàr in sla tèra. Al 17 ad Śugn dal 2013 l'è rivàda a èsar la nùmar ssant'òṅ dal mónd.
In dla sò caréra l'à vins quàtar tìtui IFT.
Caréra
[mudéfica la surzéia]In dal 2010 la śluvàca la pèrd na finàl 'd un turnèo ITF iśraegliàṅ in Favràr. In Utóbar la śōga dū finàli ITF a Munastìr, vinsénd-an una.
_(9376601833).jpg)
In dal 2011 la part subìt cun un secónd tìtul ITF a Stucàrda. La fà di àtar punt bòṅ in Istâ in Śvèsia purtànd a cà àtar dū turnèo ITF da vintsìnc-mila dòlar, baténd l'Alexandra Cadanțu 6-4 3-6 6-4 e la Dia Evtimova 6-3 6-4 e faghénd acsè al sò ingrès in dal primi tarśènt śugadōri dal mónd. Dòp 'n àtar ITF a Praga in Agóst, la śluvàca la pasa 'l qualificasiòṅ a Taškent, tacànd cun un sucès su la Yana Buchina in tri sét, e la tōś part a 'l sò prim turnèo WTA ma pò la và a cà subìt cun l'Urszula Radwańska par 1-6 4-6. La finìs 'l an cun la finàla ITF pardùda a Helsinki cóntar la Tímea Babos 3-6 1-6.
In dal 2012 la riva in semifinàl in d'l ITF ad Rabàt (3-6 2-6 da la Kirsten Flipkens) e ad Poza Rica (4-6 6-2 1-6 da la Jaroslava Švedova). In Maǵ la và a śugàr al qualificasiòṅ a 'l Roland Garros ma la céd subìt cun l'Erika Sema. In Śugn invéci la i pasa a Bad Gastein ma pò la pèrd a 'l prim tùran 4-6 6-7 cun la Johanna Larsson. In Luj la pasa dū tùr'n a Wimbledon cun la Kristina Mladenovic e cun la Anabel Medina Garrigues par pò lasàr strada a la Viktoryja Azaranka par 3-6 3-6. In Luj la riva in di quàrt a Washington in dua la ciàpa un 2-6 4-6 da la Magdaléna Rybáriková. La stmana dòp la tōś part a 'l turnèo ad Montreal, pasànd p'r al qualificasiòṅ, e la i bèca da la Sara Errani a 'l secónd tùran par 3-6 2-6. A gl'US Open la pèrd in di tùran preliminàr da cl'atra itagliàna, la Nastassja Burnett, e la sèra pò 'l an a la puśisiòṅ sènt-sèt dal mónd.
In dal 2013 la n pasa minga 'l qualificasiòṅ a Sydney, ciapànd un 7-5 0-6 2-6 da la Svetlana Kuznecova, e pò a Melbourne la pèrd a 'l secónd tùran da la Yanina Wickmayer. Dòp i quàrt a Flurianòpulis, la céd a 'l prim tùran a Miami (7-5 4-6 4-6 da la Francesca Schiavone), a Monterrey (0-6 1-6 da l'Ayumi Morita) e a Katowice (6-7 3-6 da la Maria Elena Camerin). A 'l Roland Garros la fà 'n tùran da piò ma pò la pèrd par 2-6 2-6 da l'Angelique Kerber e la fà al stés quèl anc in d'l àtar Gran Slam lundinéś finénd cun al pèrdar par 1-6 6-4 7-9 da la Roberta Vinci.