Svetlana Kuznecova

Da Wikipedia.

C'l artìcul chè 'l è scrit in Miranduléś Emiliàn


La Kuznecova tòlta śò durànt gl'US Open dal 2009


La Svetlana Aleksandrovna Kuznetsova (Leningrâd, 27 ad Śugn dal 1985, ciamàda in Rus Светлана Александровна Кузнецова, scólta'l chè) l'è na tenìsta rusa ch'l'è stada la nùmar dū dal mónd (al 10 ad Setémbar dal 2007). L'è élta 174 cm e la péśa 73 chilo.

In dla sò caréra, tacàda fra i prufesiunìsta in dal 2000, l'à vins dū tìtui dal Gran Slam (gl'US Open dal 2004 e al Roland Garros dal 2009) e 13 turnèo WTA in tut, purtànd-'s a cà da piò ad 16 migliòṅ ad dòlar. In di àtar Slam invéci la n gh l'à mai cavàda a rivàr da 'd là di quàrt.

Al 23 ad Śnar dal 2011, śugànd cóntar la Francesca Schiavone, l'à dâ vita a la partìda più lunga dla stòria di Gran Slam pardénd-la 16-14 a 'l tèrs dòp 4 óri e 44 minùt ad śōg.

Finàli in di Gran Slam

Turnéo An Vins/Pardû Aversàri in finàl Puntéǵ
US Open 2004 V Elena Dement'eva 6-3, 7-5
Roland Garros 2006 P Justine Henin 4-6, 4-6
US Open 2007 P Justine Henin 1-6, 3-6
Roland Garros 2009 V Dinara Safina 6-4, 6-2

Culegamènt estéran