Erika Sema

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


La Sema prónta a rispóndar in dal 2012


L’Erika Sema (Tokyo, 24 ad Nuvémbar dal 1988, scrit 瀬間 詠里花 in Giapunéś) l'è na tenìsta giapunéśa ch'l'è stada la nùmar sènt-ùndas dal mónd al 10 'd Utóbar dal 2011.

In dla sò caréra l'à purtâ a cà in tut òt tìtui ITF (da 'l 2007 a 'l 2012) e śugâ anc sinc finài sénsa vins'r-i, l'ultma al 17 'd Utóbar dal 2011 a Makinohara cun la Karolína Plíšková pardùda cun al puntéǵ ad 7-6 2-6 0-6.

In gir a gh'è n'atra Sema ch'la pista i camp di sircùit prufesiunìsta, a s trata dla Yurika, sò surèla. I sò genitōr i èṅ na còpia mìsćia, pàdar algirèṅ e màdar giapunéśa.

Caréra

La Sema, dòp soquànt an dedicâ sōl a i turnèo ITF, la próa a far al salt in dal 2011 śugànd al qualificasiòṅ a gl'Australian Open, a Pattaya City, a Kuala Lumpur, a 'l Roland Garros, a Wimbledon e a gl'US Open ma la n gh la cava mai. La pasa invéci 'l ustàcul in Setémbar a Tokyo ma la sò prima partìda in dal sircùit WTA l'è 'n diśàstar parchè la ciàpa un 1-6 0-6 da la Marija Kirilenko dòp che dū stmani prima l'éra stada bòna ad bàtar la Nastas'sja Jakimava in dla finàl d'l ITF da sènt-mila dòlar ad Ningbo in Cina. In Utóbar la s qualìfica p'r al turnèo WTA 'd Uśàka in dua la bat a 'l prim tùran la Mandy Minella par 6-3 6-3 par pò pèrdar da la nùmar trénta-dū dal mónd, la Petra Cetkovská. La finìs 'l an pardénd a 'l prim tùran in d'l ITF ad Dubai, 4-6 3-6 da l'ulandéśa Arantxa Rus.

In dal 2012 la pèrd subìt durànt al qualificasiòṅ 'd Auckland (4-6 7-6 6-0 da l'Alison Riske), ad Sydney (3-6 7-6 3-6 da la Sofia Arvidsson) e ad Melbourne (1-6 2-6 da la Kirsten Flipkens). A Pattaya City e a Kuala Lumpur la gh'à di punt abàsta par śugàr diretamènt ma anca lè la và fóra subìt da la Sorana Cîrstea e da la Petra Martić. La tórna a śugàr un turnèo WTA in Luj a Stanford ma la pèrd a 'l secónd tùran da la Dominika Cibulková par 1-6 3-6. A Uśàka l'è dasfurtunàda parchè la pésca subìt la nùmar òṅ dal tablòṅ, la Samantha Stosur, e la gh pèrd par 4-6 2-6. La sèra 'l an crudànd dimóndi śò in clasìfica, a la puśisiòṅ nùmar 184.

Culegamènt estéran