Fury (film 1978)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Fury
Fury
Fury.png
L'Amy Irving in na figùra dal film
Rabimènt
1978
Regia: Brian De Palma
Scritùr: John Farris
Atùr: Kirk DouglasJohn CassavetesAmy Irving
Carrie SnodgressCharles DurningFiona Lewis
Müsica: John Williams
Lengua: Ingléś
Dürä dal film: 118 minüt
Nasiòṅ: Stat Unî


«
N'esperînsa in dal terōr e in dla suspense.»
(Tagline dal film)


Fury (Rabimènt) 'l è 'n film thriller dal 1978 ad Brian De Palma trat da 'n rumànś ad John Farris.

La pelìcula l'è stada giràda a Chicago e in àtar pòst d'l Illinòis ólt'r a ch'in Iśraēl.

Sunt

Peter Sandza (Kirk Douglas) 'l è 'n agìnt di servìsi segrét americàṅ ch'al s cata in d'l Uriènt Mèdi insém a sò fiōl Robin (Andrew Stevens). Prima 'd turnàr a Chicago al scampa a 'n atintâ ad soquànt palestinéś, ch'i 'l vlìvan masàr, urganiśâ da 'n sò culéga ciamâ Ben Childress (John Cassavetes). Turnâ in di Stat Unî al s mét a pascàr Robin ch'l è sparî sénsa lasàr trasi.

Na ragàsōla ciamàda Gillian Bellaver (Amy Irving) la gh'à di putēr psìchic ch'i gh'èṅ vgnû fóra da pôc, cuma la telecinéśi e 'l sintìr qvél ch'a sucéd da di atri bandi sénda véd'r-al dabòṅ. Quànd la gint la la tóca la taca a pèrdar sangṿ da 'l naś, da gl'ungi e da i òć. La śōvna la s fà viśitàr p'r al dutōr Jim McKeever (Charles Durning) e l'è tgnuda adrē par n'infarméra ciamàda Hester (Carrie Snodgress), la dóna 'd Peter. Cun 'l ajùt di putēr dla ragàsa Peter al próa a catàr sò fiōl ch'al gh'à anc lò di putēr cumpàgn a i suo.

Purtròp Childress 'l è interesâ a bcar-al prima lò parchè al s sarvìs ad cla gint lè da druàr cónt'r i nemìg dal guèr'n americàṅ.

Culegamènt estéran