Doppia personalità

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Raising Cain
Doppia personalità
Doppia personalità.png
John Lithgow in na figùra dal film
Persunalità dópia
1992
Regia: Brian De Palma
Scritùr: Brian De Palma
Atùr: John LithgowLolita DavidovichSteven Bauer
Frances SternhagenGregg HenryGabrielle Carteris
Müsica: Pino Donaggio
Dürä dal film: 105 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
Quànd la mujér la gh'à fat i còran, Carter Nix al n à minga decìś sōl ad lasàr-la... 'l à divìś la sò mènt.»
(Tagline dal film)


Doppia personalità (Persunalità dópia) 'l è 'n film thriller dal 1992 ad Brian De Palma ch'al 'l à anc scrit.

Custâ dódas migliòṅ ad dòlar a 'l incìrca, al 'n à pò fat sù trénta-sèt.

Sunt

Al dutōr Carter Nix (John Lithgow), dòp che da pìcul 'l iva patî da sò pàdar soquànt esperimènt in sal cumpurtamènt ch'i 'l ànan sgnâ par sèmpar, al fà al psichiàtra di putèṅ e tut i gh pòrtan rispèt. 'L è spuśâ cun la Jenny (Lolita Davidovich) e la gh'à na fiōla zsèg, l’Amy (Amanda Pombo). Sò mujér, ch'la gh mét i còran cun Jack Dante (Steven Bauer), un sò ex muróś in cal mént'r armàś véduv, la gh'à al magòṅ parchè la gh'à paùra par sò fiōla parchè la véd che Carter al gh'è sèmp'r adòs par studiàr-la. Chi lò al gh'à di prubléma parchè al gh'à soquànti persunalità misćiàdi insém. A gh'è Cain, 'n imbrujòṅ catìṿ e śmalisiâ, Josh, un putèṅ traumatiśâ, e la Margo, na màdar cun i sò an.

Cain al cópa dal màdar śóvni par purtàr a Carter i sò putèṅ da analiśàr. A sucéd acsè anc cun al fiōl dna sò amìga, Sam. Anc la Jenny l'è in perìcul parchè sò marè 'l à capî incòsa dla sò relasiòṅ cun Jack. La la scampa p'r un pēl quànd lò al próa a 'ndgàr-la butànd-la śò cun la màchina in un lâg. Quànd a sparìs la sò putìna, la Jenny la próa a far-as dir in dū al l'à purtàda ma lò al gh rispónd ch'l'è cun sò nunòṅ che però 'l è mòrt da an.

Carter al vèṅ arestâ e al gh'à da réndar cònt a la duturésa Lynn Waldheim (Frances Sternhagen), na vècia ch'la pòrta la pirùca parchè la n gh'à minga cavìi, ch'la gh'à da capìr quèl ch'al gh'à in dla sò tèsta. Durànt 'l interugatòri, tut 'd un trat, Cain al lasa 'l pòst prima a Josh e pò a la Margo.

Culegamènt estéran