Obsession - Complesso di colpa

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Obsession
Obsession - Complesso di colpa
Obsession - Complesso di colpa.png
La Bujold e Robertson in na figùra dal film
Usesiòṅ - Cumplès ad cólpa
1976
Regia: Brian De Palma
Scritùr: Brian De PalmaPaul Schrader
Atùr: Geneviève BujoldSylvia Kuumba Williams
Cliff RobertsonJohn LithgowNick Kreiger
Wanda BlackmanDon HoodStanley J. Reyes
Müsica: Bernard Herrmann
Lengua: IngléśItagliàṅ
Dürä dal film: 98 minüt
Nasiòṅ: Stat Unî


«
Figùr-'t al più spavintóś di insùni ch't à mai fat.»
(Tagline dal film)


Obsession - Complesso di colpa (Usesiòṅ - Cumplès ad cólpa) 'l è 'n film thriller dal 1976 ad Brian De Palma ch'al 'l à anc scrit insém a Paul Schrader. 'L è stâ girâ a Firénse.

Custâ un migliòṅ e quàt'r ad dòlar a 'l incìrca, al 'n à pò fat sù quàt'r e quàtar.

Sunt

In dal 1959 la vita dal migliardàri Michael Courtland (Cliff Robertson) la patìs un brut cólp quànd na banda 'd laśaròṅ la gh pòrta via sò mujér Elizabeth (Geneviève Bujold) e la sò putìna Amy (Wanda Blackman). P'r avér-i indrē i rapidōr i gh dmànd'n un muć ad bèsi. La pulisìa però la gh cunsìlia 'd a n cédar minga e acsè lò al gh dà na valìś impinìda cun di fujét ad carta e 'n rilevadōr. Quànd i malvivènt i capìs'n al sò tragatèṅ e i s càt'n i pulisiòt tut 'd intóran, i decìdan ad scapàr via c'n al dū dóni sèg ma, durànt al viàś, i gh'aṅ 'n incidènt spavintóś ch'al fà sćiupàr la màchina. Courtland al s tōś lò la cólpa dla mòrt ad sò mujér e ad sò fiōla.

Quìnd'ś an dòp la sò usesiòṅ par la daśgràsia ch'l à cuntribuî a far sucédar la n gh'è incóra pasàda. 'L óm al và sèmp'r a viśitàr al mununènt dla céśa che lò 'l à fat tiràr sù tgnénd a mènt a 'l pòst in dua 'l iva cgnusû l’Elizabeth dimóndi an prima a Firénse. Quànd al sò sòci Robert LaSalle (John Lithgow) al gh dmanda 'd andàr sèg p'r un viàś 'd afâr in dla sità tuscàna, lò al gh và e là al véd na dóna cumpàgna a sò mujér, la Sandra Portinari. Michael al taca a 'ndàr-'g a drē, faghénd-la dvintàr prima cumpàgna a l’Elizabeth e pò spuśànd-la. Durànt la prima nòt ad matrimòni, la Sandra la vèṅ purtàda via e, cuma 'l éra sucès tant tèmp fà, Courtland al cata 'n mesàǵ cumpàgn a qvél ch'i gh'ìvan scrit in alóra i vèć rapidōr.

Culegamènt estéran