Hi, Mom!

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Hi, Mom!
Hi, Mom!
Hi Mom.png
Robert De Niro e Allen Garfield in na figùra dal film
Mama, A t salùt!
1970
Regia: Brian De Palma
Scritùr: Charles Hirsch • Brian De Palma
Atùr: Robert De NiroAllen GarfieldLara Parker
Charles DurningAbraham GorenBruce Price
Müsica: Eric Kaz
Lengua: Ingléś
Dürä dal film: 87 minüt
Nasiòṅ: Stat Unî


«
Che Dio 'l bandìsa la nòstra clas burghéśa ùmila e ch'al la mantégna libra da i vendidōr ambulànt, da i militànt, da i guerigliér urbàṅ e da i “liberal” dal Greenwich Village.»
(Tagline dal film)


Hi, Mom! (Mama, A t salùt!) l'è na cumèdia dal 1970 ad Brian De Palma ch'al l'à scita insém a Charles Hirsch.

Al film, séguit dla pelìcula Ciao America! d'l an prima, 'l è stâ girâ a New York.

Sunt

Jon Rubin (Robert De Niro), veteràṅ dal Vietnam, al tórna a New York tulénd in afìt na cambra da quàtar sòld a 'l Greenwich Village. Da la sò fnèstra al ragàs al fà a mènt ch'al pōl tgnir 'd òć tut gl'abitànt 'd un palàs darènt a 'l suo e 'l strulga l'idéa 'd tiràr-i śò 'd nascòst par far-'g un film in 8 mm da śibìr pò a 'l sgnōr Joe Banner (Allen Garfield), un prudutōr ad film pòran.

Jon al taca anc a far al fîł a na sò vśina 'd cà, la Judy Bishop (Jennifer Salt), ma purtòp al sò prugèt da regìsta-guardòṅ al falìs. In séguit chi lò al próa prima a lauràr da atōr in dla cumpagnìa „Putēr Négar“ ch'la s bat p'r i dirìt di négar e pò cuma asicuradōr méntar la sò muróśa la gh'à d'avēr fiōl.

Quànd anc chi lavursèṅ lè i vaṅ a raméngo, Jon al decìd ad far saltàr p'r ària 'l cundumìni cun dla dinamît, pò 'l fà ciào a sò màdar davànti a 'l televiśiòṅ ch'i éran rivàdi lè p'r intervistàr-al cuma testimòni.

Culegamènt estéran