Mestruasiòuṅ

Da Wikipedia.
C'l artìcul chè 'l è scrit in Carpśàn Emiliàn
La sucesiòun di cambiamèint mensìl edl endométri e 'l só desfèr-es in dal mestruasiòun.

(Lēś anca eli avertèinsi generèli a 'l riguêrd di cuntgnû di artìcol dla Wikipedia)

El mestruasiòuṅ (mestruazioni, mestruo in itagliàṅ), ciamèdi anc marchēś, gl'ìn la gnuda fóra 'd sanghev da 'l ùter ed cal dòni e gl'ìn quìli ch'i finìsen tùt al cambiamèint mensìl edla só pansa se chilē la nn'è mìa armèśa ingrevdèda. Al sanghev pers al n'è èter che 'l desfaldèr-es, cmandê dai ormòun, edl endométri edl ùter, che ogni soquànt 27/28 dè al s arcànbia se 'l n'è mìa servî p'r al crèser ed 'n embriòun. El mestruasiòuṅ i gh'i àn tùti el dòni in dla só etê fèrtil, fóra ch'i 'n gh'àpien un quèlc distùreb c'ma 'd tròpa magrèsa o na quèlc patulugìa.

Quand la ragasóla la dvèinta ragàsa, vers i só dòdes o trèd'ś an, la taca a 'vér-egh el mestruasiòuṅ, e quistichè i la cumpagnaràn in dla só vita 'd dòna per tùt al tèimp ch'la nn'armagnarà mìa in stêt e infintànt ch'la nn'andrà in menopàvśa vers i só 50 o 54 an.

In dal tèimp ed chi 3 o 5 dè ch'i se ślunghen el mestruasiòun, a gh'è biśògn che la dòna la dróva di asorbèint per catèr sù al sànghev pers e n'stèr mia lè a macèr i vistî.

Manéri ed dìr

  • (BLG) Li-lé?! Tûmla d’adòs! L’à al marcaiś quâter vôlt al maiś! (IT) (lett.) Lei?! Toglimela di torno! Ha il mestruo quattro volte al mese!, (fig.) Lei?! Toglimela di torno! È troppo scontrosa!

Vóś lighèdi

Èter progêt

Ligàm a fóra